شىمكەنت قالاسىنىڭ سيفرلاندىرۋ باسقارماسىنىڭ باسشىسى ءا.ءابدىراحانوۆ قالا اكىمدىگىنىڭ «ينستاگرام» پاراقشاسىندا وتكەن تىكەلەي̆ ەفيردە قالا اۋماعىن ءموبيلدى بايلانىس جانە تالشىقتى وپتيكا جەلىسىمەن قامتاماسىز ەتۋ جۇمىستارىنىڭ بارىسىن ايتىپ ءوتتى.شىمكەنت قالاسىنىڭ سيفرلاندىرۋ باسقارماسىنىڭ باسشىسى ءا.ءابدىراحانوۆ قالا اكىمدىگىنىڭ «ينستاگرام» پاراقشاسىندا وتكەن تىكەلەي̆ ەفيردە قالا اۋماعىن ءموبيلدى بايلانىس جانە تالشىقتى وپتيكا جەلىسىمەن قامتاماسىز ەتۋ جۇمىستارىنىڭ بارىسىن ايتىپ ءوتتى.

قالا اۋماعىن جانە قالادان شالعاي ورنالاسقان ەلدىمەكەندەر مەن تۇرعىن الاپتاردى ساپالى ينتەرنەتپەن قامتاماسىز ەتۋ جۇمىستارى 3 كەزەڭگە بولىنگەن بولاتىن. بيىل ينتەرنەتپەن قامتاماسىز ەتۋدىڭ 2-كەزەڭىنە سايكەس، 14 جەر انىقتالىپ، 8 اۋماققا جەكە ينۆەستور ەسەبىنەن ورناتۋ كەلىسىلگەن بولاتىن. بۇگىندە جەكە ينۆەستور ەسەبىنەن 6 اۋماققا (ىنتىماق-2،تاسساي، قايناربۇلاق، قۇرساي، اەروپورت ماڭى، № 87 مەكتەپ ماڭى) انتەننا-ماچتالىق قۇرىلعى ورناتىلىپ، ەلەكتر ەنەرگياسىن تارتۋ جۇمىستارى جۇرگىزىلۋدە. قالعان 2 جەرگە (ا-2 تاس جولى، ر-32 تاس جولى) انتەننا-ماچتالىق قۇرىلعىنى ورناتۋ ءۇشىن جەردى قازۋ جانە بەتون قۇيۋ جۇمىستارى جاسالىنۋدا. 

ال كوممەرسيالىق نىسانعا ورناتىلۋى قاجەت 6 اۋماقتا (اسار، زابادام، ابدۋلاباد، سامال-3، نۇرتاس، قۇرساي) بازالىق ستانسيانىڭ بارلىعى ىسكە قوسىلدى. جىل سوڭىنا دەيىن قالعان 8 بازالىق ستانسيا ىسكە قوسىلاتىن بولسا، شالعاي ەلدىمەكەندەردەگى 147 000 تۇرعىن ساپالى ينتەرنەتپەن قامتىلىپ، جالپى كورسەتكىش 91 %-ى قۇرايتىن بولادى. بولاشاقتا بۇكىل قالا اۋماعىن 100 % ساپالى ينتەرنەتپەن قامتۋ جوسپارلانۋدا. بيىل 4 اۋدانعا قاراستى 110 شاعىناۋدان مەن تۇرعىن الاپتاردىڭ ءتىزىمى جيناقتالىپ، ولارعا باسقارما ماماندارى ءوڭىرارالىق بايلانىس ينسپەكسياسىمەن بىرلەسە ينتەرنەت ساپاسىنا تولىق تالداۋ جۇمىستارىن جۇرگىزدى. ناتيجەسىندە ينتەرنەت ساپاسى تومەن 22 ەلدىمەكەن انىقتالىپ، ولاردى ساپالى ينتەرنەتپەن قامتۋ ءۇشىن جول كارتاسى ازىرلەندى. 

بۇگىندە ءموبيلدى بايلانىس وپەراتورلارىمەن بىرلەسە 22 ەلدىمەكەنگە بازالىق ستانسيا ورناتۋ ءۇشىن ورتالىقپەن كەلىسىمدەۋ جۇمىستارى جۇرگىزىلۋدە. 22 بازالىق ستانسيانى 2022-2023 جىلدارى ورناتۋ جوسپارلانۋدا. ءتيىستى جۇمىستار اتقارىلسا، قالا اۋماعى 100 پايىز ساپالى ينتەرنەتپەن، اتالعان ەلدىمەكەندەردەگى 168 000 قالا تۇرعىنى ءموبيلدى ينتەرنەتپەن قامتىلاتىن بولادى. 

باسقارما باسشىسى ەفير بارىسىندا تۇرعىندار تاراپىنان قويىلعان ساۋالدارعا جاۋاپ بەردى.