نۇرسۇلتان قالاسى ءبىلىم باسقارماسىنىڭ بۇرىنعى باسشىسى شاكەرىم سەيسەنباي بۇرىن سىبايلاس جەمقورلىق بويىنشا ءىستى بولعان ادامدى جۇمىسقا قابىلداعانى ءۇشىن اكىمشىلىك جاۋاپكەرشىلىككە تارتىلدى.
اكىمشىلىك ءىس جۇرگىزۋ ماتەريالدارىن قاراۋ بارىسىندا ش. سەيسەنباي بالاباقشا مەڭگەرۋشىسى لاۋازىمىنا بۇرىن ق ر قك 176-ب. 3 ب. "ب"، "گ" ت. (سەنiپ تاپسىرىلعان بوتەن ءمۇلiكتi يەمدەنiپ الۋ نەمەسە تالان-تاراجعا سالۋ) جانە ق ر قك 317-ب. 1-ب. (1997 جىلعى رەداكسياسىندا) (مەملەكەتتىك رامىزدەردى قورلاۋ) سوتتالعان قىزمەتكەردى قابىلداعانى انىقتالىپ، نۇر-سۇلتان قالاسىنىڭ اكىمشىلىك ىستەر جونىندەگى مامانداندىرىلعان اۋدانارالىق سوتى ونى اكىمشىلىك جاۋاپكەرشىلىككە تارتقان.
"ق ر ەڭبەك كودەكسىندە كوزدەلگەن نورمالارعا سايكەس، بۇرىن سىبايلاس جەمقورلىق قىلمىس جاساعان ادامداردى كۆازيمەملەكەتتىك سەكتور سۋبەكتىلەرىنە باسشىلىق لاۋازىمعا ورنالاستىرۋعا جول بەرىلمەيدى. سونىمەن قاتار، 2020 جىلعى قازاندا ەڭبەك زاڭناماسىنا ەنگىزىلگەن تۇزەتۋلەرگە سايكەس بۇل شەكتەۋ كۆازيمەملەكەتتىك سەكتورداعى قاتارداعى لاۋازىمدارعا قولدانىلادى" دەلىنەن سىبايلاس جەمقورلىققا قارسى كۇرەس اگەنتتىگى تاراتقان حابارلامادا.
31 قازاندا شاكارىم سەيسەنباي نۇرسۇلتان قالاسى ءبىلىم باسقارماسىنىڭ باسشىسى قىزمەتىنەن كەتەتىنىن ءمالىم ەتكەن. الايدا ول كەزدە اكىمشىلىك جاۋاپكەرشىلىككە تارتىلعانى تۋرالى ايتپاعان.
پىكىر قالدىرۋ