ۆارشاۆادا قازاقستان-پولشا بيزنەس-فورۋمى وتۋدە. اتالعان جيىندا شىمكەنتتىك دەلەگاتتاردى باستاپ بارعان قالا اكىمىنىڭ ورىنباسارى ايبەك ساتتىبايەۆ كوپشىلىككە بايانداماسىن ۇسىندى. شىمكەنتتىڭ جوعارى الەۋەتىن تانىستىرا كەلە پولشالىق كاسىپكەرلەردى قالاعا ينۆەستيسيالىق جوبالاردى جۇزەگە اسىرۋعا شاقىردى.

فورۋمدى قازاقستان ەلشىلىگى مەن Kazakh Invest ۇلتتىق كومپانياسى پولشانىڭ كاسىپكەرلىك جانە تەحنولوگيالار مينيسترلىگىنىڭ، سونداي-اق پولشانىڭ ينۆەستيسيالار جانە ساۋدا اگەنتتىگىنىڭ قولداۋىمەن پولشانىڭ بيزنەس كەڭەسىمەن بىرلەسىپ ۇيىمداستىردى. وعان اۋىل شارۋاشىلىعى، ەنەرگەتيكا، قۇرىلىس جانە قۇرىلىس ماتەريالدارىن ءوندىرۋ، تاماق، حيميا، تاۋ-كەن مەتاللۋرگيا جانە فارماسيەۆتيكا ونەركاسىبى سالالارىنىڭ وكىلدەرى بولىپ تابىلاتىن قازاقستاندىق جانە پولياك كومپانيالارى قاتىسۋدا.

فورۋمنىڭ ماقساتى قازاقستان مەن پولشا اراسىنداعى ساۋدا-ەكونوميكالىق، ينۆەستيسيالىق ىنتىماقتاستىقتى كۇشەيتۋ، ەكى ەلدىڭ ىسكەرلىك سەرىكتەستەرى اراسىنداعى قولدانىستاعى بايلانىستاردى نىعايتۋ جانە جاڭالارىن جولعا قويۋ، ينۆەستيسيالىق جوبالاردى تانىستىرۋ بولىپ تابىلادى.