وسى جىلدىڭ 1-30 قازان ارالىعىندا ءداستۇرلى حالىق ساناعى وتەدى. بۇگىنگە دەيىن شىمكەنتتە 241 750 ادام، ياعني حالىقتىڭ 22،0% ينتەرنەت جەلىسى ارقىلى ساناققا قاتىسقان. سونىمەن بىرگە، ۇلتتىق حالىق ساناعىن وتكىزۋگە مىڭنان استام ينتەرۆەر ءۇي-ۇيدى ارالاۋعا كىرىسكەن.
اكىم ورىنباسارى ساناقتىڭ اياقتالۋىنا 25 كۇن قالعانىن، قالادا ساناققا قاتىسۋعا بەلسەندىلىك تومەندىگىن ايتىپ ءوتتى. جۇمىس قارقىنىن قاتاڭ سىنعا العان ە.بىلىسبەكوۆ اۋدان اكىمدەرى مەن ءتيىستى باسقارما باسشىلارىنا ۇلتتىق ستاتيستيكا بيۋروسى دەپارتامەنتىنىڭ ماماندارىمەن ءوزارا بىرلەسكەن جۇمىستاردى كۇشەيتۋدى تاپسىردى.
ۇلتتىق ستاتيستيكا بيۋروسىنىڭ شىمكەنت قالاسى بويىنشا دەپارتامەنت باسشىسى سىرىم مادييەۆ كوپ جاعدايدا تۇرعىنداردىڭ ەسىك اشپاي، دورەكىلىك تانىتىپ، ساۋالنامادان باس تارتۋ سەكىلدى كەدەرگىلەر ورىن الىپ جاتقانىن ايتتى.
حالىقتىڭ بارىن باعامداپ، تۇتاس مەملەكەتتىڭ الداعى دامۋ باعىتىن ايقىندايتىن ماڭىزدى ناۋقاندا تۇرعىنداردىڭ بەلسەندىلىگى قاجەت. اكىم ورىنباسارى اۋدان اكىمدەرىنە ساناقتى جۇرگىزۋ ءۇشىن كوشە نەمەسە تۇرعىن ءۇي باسقارۋشىلارىمەن بىرگە جۇزەگە اسىرۋدى جانە پەرسونالداردىڭ قاۋىپسىزدىگىن نازاردان تىس قالدىرماۋ قاجەت ەكەنىن تاپسىردى.
