بۇگىن شىمكەنت قالاسىنىڭ اكىمى «نۇرلى جەر» مەملەكەتتىك باعدارلاماسى اياسىندا سالىنىپ جاتقان ءبىرقاتار تۇرعىن ءۇي قۇرىلىستارىنىڭ بارىسىن قاداعالادى.
مەردىگەر مەكەمەلەر باسشىلارىمەن جۇمىس بارىسى، وزەكتى ماسەلەلەر جانە ولاردى شەشۋ جولدارى تالقىلاندى. جۇكتەلگەن جۇمىستاردى ساپالى جانە مەرزىمدەرىندە اياقتاۋدى مىندەتتەدى.
اتالعان باعدارلاما شەڭبەرىندە قۇرىلىس باسقارماسىنىڭ تاپسىرىسىمەن جالپى 287 مىڭ شارشى مەتردى قۇرايتىن 4832 پاتەرلى 79 كوپقاباتتى تۇرعىن ءۇيدىڭ قۇرىلىسى جۇرگىزىلۋدە. ونىڭ ىشىندە كرەديتتىك 57 ءۇي، ارەندالىق 22 ءۇي. بيىلعى جىلى 39 ءۇي پايدالانۋعا بەرىلەدى. بارلىعى 141 مىڭ شارشى مەتردى قۇرايتىن 2432 پاتەر تاپسىرىلادى.
قۇرىلىسى جۇرگىزىلىپ جاتقان 6 ارەندالىق ءۇي اكىمشىلىك-ىسكەرلىك ورتالىعىندا، كرەديتتىك 4 تۇرعىن ءۇي ارعىنبەكوۆ كوشەسىنىڭ بويىندا ورنالاسقان. ال، كوپقاباتتى 61 ءۇي تۇران شاعىن اۋدانىندا سالىنۋدا.
پىكىر قالدىرۋ