سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى باسشىسىنىڭ ءبىرىنشى ورىنباسارى ت.سەرىكبايەۆ قالالىق قىلمىستىق-اتقارۋ جۇيەسى دەپارتامەنتىنىڭ قىزمەتكەرلەرىمەن كەزدەستى.

سونىمەن قاتار، اتالعان جيىنعا قالالىق قىلمىستىق-اتقارۋ جۇيەسى دەپارتامەنتى باسشىسىنىڭ م.ا. پ.يساقبايەۆ، «شىمكەنت-ادالدىق الاڭى» جوبالىق كەڭسەسىنىڭ باسشىسى ج.قامبار، قۇرمەتتى مەملەكەتتىك قىزمەتشى ب.يباتوۆا مەن اقپاراتتىق-اعارتۋشىلىق شتابىنىڭ مۇشەسى ق.اناربايەۆ قاتىستى.

كۇن تارتىبىندەگى باستى ماسەلە – سىبايلاس جەمقورلىقتىڭ الدىن الۋ، جەمقورلىققا قارسى ءىس-قيمىلدى كۇشەيتۋ جونىندە قابىلدانعان ماڭىزدى زاڭنامالىق شارالاردان حاباردار ەتۋ، ۇجىمداعى پاراساتتىلىق قۇندىلىقتارىن دارىپتەۋ.

ماقساتتى جيىندا تالعار سەرىكبايەۆ مەملەكەت باسشىسىنىڭ تاپسىرمالارىن ىسكە اسىرۋ اياسىندا سىبايلاس جەمقورلىقتىڭ الدىن الۋ بويىنشا اتقارىلىپ جاتقان جۇمىستاردان حاباردار ەتتى.

قاتىسۋشىلارعا سىبايلاس جەمقورلىققا قارسى زاڭناماعا ەنگىزىلگەن وزگەرىستەر، پرەزيدەنت جولداۋى مەن جەمقورلىق قۇقىقبۇزۋشىلىقتارى ءۇشىن جەكە جاۋاپكەرشىلىك نورمالارىن بىلە تۇرىپ، الدىن الۋ شارالارىن قولدانباعان باسشىلارعا قاتىستى جازانىڭ قاتاڭدىعىن ەسكەرتتى.

اگەنتتىك جۇمىسىنىڭ اشىقتىعى مەن تيىمدىلىگىن ءتۇسىندىرىپ، تۇرمىستىق جەمقورلىقتى جويۋدا ازاماتتىق بەلسەندىلىك تانىتۋدىڭ ماڭىزدىلىعىنا توقتالدى.
سىبايلاس جەمقورلىق فاكتىلەرىنە تاپ بولعان ازاماتتار دەپارتامەنتكە نەمەسە اگەنتتىكتىڭ 1424 Call-ورتالىعىنا حابارلاسا الاتىندىعى ايتىلىپ، جەمقورلىق قۇقىق بۇزۋشىلىق تۋرالى حابارلاعان نەمەسە جەمقورلىققا قارسى ءىس-قيمىلعا وزگە دە جولمەن جاردەمدەسەتىن تۇلعالار ءۇشىن زاڭنامالىق تۇردە ءبىرجولعى اقشالاي سىياقىلار بەلگىلەنگەندىگى حابارلاندى.

ايتا كەتەيىك، بيىلعى جىلى جالپى وتىنىشتەرى بويىنشا سىبايلاس جەمقورلىق قۇقىق بۇزۋشىلىقتارىنىڭ جولىن كەسۋگە ىقپال ەتكەن 11 تۇلعا كوتەرمەلەنگەن. ولاردىڭ سىياقى مولشەرى 2 ملن.تەنگە شاماسىندا سومانى قۇرايدى.