قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى قالالىق ءبىلىم باسقارماسىمەن بىرلەسە سىبايلاس جەمقورلىققا قارسى ءىس-قيمىل مادەنيەتىن قالىپتاستىرۋ ماقساتىندا «ادال ۇرپاق» ەرىكتى مەكتەپ كلۋبتارىنىڭ سلەتىن ۇيىمداستىردى.

اتالعان شاراعا «شىمكەنت-ادالدىق الاڭى» جوبالىق كەڭسەسىنىڭ باسشىسى ج.قامبار، قالالىق ءبىلىم باسقارماسى وكىلدەرى، «Adal urpaq» ەرىكتى مەكتەپ كلۋبىنىڭ پرەزيدەنتى ت.بايتاس پەن كلۋبتاردىڭ مۇشەلەرى، جاس ونەرپازدار قاتىستى.

سالتاناتتى شارانى جوبالىق كەڭسە باسشىسى جاني قامبار اشىپ، ءبىلىم سالاسىندا سىبايلاس جەمقورلىقتىڭ الدىن الۋ بويىنشا اتقارىلعان شارالارعا توقتالدى.
ودان بولەك، وقۋشىلار سارايىنىڭ ءبولىم مەڭگەرۋشىسى گۇلجان تۋلەمەتوۆانىڭ، «Adal urpaq» ەرىكتى مەكتەپ كلۋبىنىڭ پرەزيدەنتى تولەبي بايتاستىڭ اتقارعان جۇمىستار بويىنشا باياندامالارى تىڭدالدى. شارا بارىسىندا ««Adal urpaq» اسسوسياسياسىنىڭ تۋى ساحناعا شىعارىلىپ، «ادال ۇرپاق» ءانى ورىندالىپ، جاس ونەرپازداردىڭ ونەرى تاماشالاندى.

سونىمەن قاتار، وقۋشىلار اراسىندا سىبايلاس جەمقورلىققا قارسى تاقىرىپتا لوگيكالىق جانە سيتۋاسيالىق ويىندار ويناتىلدى.

ايتا كەتەيىك، قالاداعى 186 مەكتەپتەردە «Adal urpaq» ەرىكتى مەكتەپ كلۋبتارىنىڭ جۇمىسى ۇيىمداستىرىلىپ، جاستاردىڭ بويىندا ونەگەلىلىك، ادەپتىلىك، باستاماشىلدىق، پاتريوتتىلىق سىندى قاسيەتتەر مەن سىبايلاس جەمقورلىققا قارسى مادەنيەتتى قالىپتاستىرۋ باعىتىنداعى كەشەندى شارالار قولعا الىنعان. قازىرگى تاڭدا كلۋب قۇرامىندا 128 مىڭنان استام مۇشەلەرى بار.