رىسقۇلوۆ جانە قونايەۆ داڭعىلى قيىلىسىنداعى جولايرىقتىڭ قونايەۆ داڭعىلى بويىنشا ءجۇرىس بولىگى پايدالانۋعا بەرىلدى. قازىرگى ۋاقىتتا رىسقۇلوۆ كوشەسىن اشۋداعى سوڭعى جۇمىستار اتقارىلۋدا. بۇل تۋرالى قالالىق جولاۋشىلار كولىگى جانە اۆتوموبيل جولدارى باسقارماسى حابارلادى.
جىل وتكەن سايىن شىمكەنتتەگى قالاىشىلىك جولداردا كولىك كەپتەلىسى كوبەيىپ كەلەدى. اسىرەسە، ورتالىق كوشەلەردە ءيىن تىرەسكەن اۆتوكولىكتەر تىعىنىن ءجيى كورۋگە بولادى.
اتاپ ايتقاندا، ت. رىسقۇلوۆ جانە د. قونايەۆ كوشەلەرى قالانىڭ ءبىر شەتى مەن ەكىنشى شەتىن جالعايتىن ۇزىن كوشەلەر. سودان بولار، مۇندا كولىكتەردىڭ كەپتەلىسىنەن تۋىندايتىن ماسەلەلەر از ەمەس.
وسى ىڭعايسىزدىقتى شەشۋ ماقساتىندا، قالا اكىمدىگى د.قونايەۆ-ت.رىسقۇلوۆ پەن بايدىبەك بي-ارعىنبەكوۆ كوشەلەرىنىڭ قيىلىسىندا جولايرىق قۇرىلىسىن سالۋدى جوسپارلاعان بولاتىن.
2019 جىلى رىسقۇلوۆ (قونايەۆ قيىلىسى) كوشەلەرىنىڭ كولىكتەردى وتكىزگىشتىگى 27775 اۆتو/تاۋلىك بولسا، جول قۇرىلىسى اياقتالعاننان كەيىن 65820 اۆتو/تاۋلىك وتكىزۋ مۇمكىنشىلىگىنە جوعارىلايدى.
اتالعان جولايرىقتار پايدالۋنۋعا بەرىلگەننەن كەيىن كولىك تىعىنى ەداۋىر ازاياتىن بولادى.
پىكىر قالدىرۋ