سارسەنبى كۇنى جۇڭگو اسكەرى تايۆان بۇعازىنداعى شيەلەنىس كۇشەيگەن كەزدە شىعىس جۇڭگو تەڭىزىندە شۆن وق-دارىلەر قولدانىلاتىن ءبىر اپتالىق اسكەري جاتتىعۋلارىن باستادى. بۇل كەزدە اقش پەن جاپونيانىڭ ايماقتا بىرلەسكەن وقۋ-جاتتىعۋلارى ءوتىپ جاتقان.
ساراپشىلاردىڭ ايتۋىنشا، بەيجىڭنىڭ بۇل اسكەري ارەكەتى داۋلى وڭتۇستىك جۇڭگو تەڭىزىندە ۆاشينگتون-توكيو بىرلەسكەن جاتتىعۋلارىنا قارسى تۇرۋ ءۇشىن جاسالعان.
اقش "USS Carl Vinson" سوعىس كەمەسى جانە سوققى بەرۋ توبى داۋلى تەڭىز ايماعىندا جاپونيانىڭ تەڭىزدەگى ءوزىن-وزى قورعاۋ كۇشتەرىنىڭ "JS Kaga" توبىمەن بىرگە اسكەري وپەراسيالار جاساعان.
سونىمەن قاتار ەكى ەل جەر ءۇستى، اۋە بولىمشەلەرى اراسىنداعى ۇيلەستىرىلگەن تاكتيكالىق جاتتىعۋلاردى جانە تەڭىزدە سوققى بەرۋ جاتتىعۋلارىن جاسادى.
پىكىر قالدىرۋ