قازاقستاندىق كاسىپقوي بوكسشى ۆيكتور كوتوچيگوۆقا انگليادا شابۋىل جاسالدى. بەلگىسىز بىرەۋلەر ونىڭ ۇستىنە قىشقىلعا ۇقساس سۇيىقتىق قۇيىپ جىبەرگەن. بۇل تۋرالى ول ءوزىنىڭ الەۋمەتتىك جەلىدەگى پاراقشاسىندا حابارلادى.
وقيعا سالدارىنان سپورتشىنىڭ دەنەسىن كۇيىك شالعان.
– انگلياداعى جارىس مەن ءۇشىن ءساتسىز بولدى. قىسقاشا ايتسام، مەن 11 جەلتوقسانعا جوسپارلانعان جەكپە-جەككە دايىندالۋ ءۇشىن انگلياعا ۇشىپ كەلدىم. بولمە جالداپ، جاتتىعۋدى باستادىم. ءتورت كۇن ءوتتى. ءبىر كۇنى تۇندە ۇيدە ۇيىقتاپ جاتقاندا، ەسىك ارتىنان شۋ ەستىلدى، بىرەۋلەر قۇلىپتى اشۋعا تىرىسىپ جاتتى. ورنىمنان تۇرىپ، قولىما پىشاق الماقشى بولدىم. ءبىراق اسحانادا شانىشقى مەن قاسىق قانا بولدى. ەسىك اشىلىپ، ادامدار باسا-كوكتەپ كىرىپ كەلدى، ءبارىنىڭ باسىندا كاپيۋشون. ولار مەنىمەن توبەلەسۋدى جوسپارلاماعان سياقتى، ويتكەنى ۇستىمە قىشقىلعا ۇقسايتىن زاتتى قۇيىپ جىبەرىپ، قاشىپ كەتتى، – دەدى ۆيكتور.
سودان بوكسشى بىردەن باپكەرىنە حابار بەرگەن. جاتتىقتىرۋشى سپورتشىنى اۋرۋحاناعا اپارعان. ول كۇيىكپەن بىرنەشە كۇندى اۋرۋحانادا وتكىزگەن.
– مەن ەشكىممەن جانجالداسقان جوقپىن. بۇل كىمگە كەرەك بولعانىن تۇسىنبەدىم. ەندى جارىستارعا تەك تەكسەرىلگەن جەرگە بارۋ كەرەكتىگىن ءتۇسىندىم، – دەدى ول.
پوسموترەت ەتۋ پۋبليكاسيۋ ۆ Instagram
پىكىر قالدىرۋ