بۇگىن وتاندىق ءبىلىم بەرۋ ءىسىنىڭ كوريفەيى، قازاق كسر ءبىلىم بەرۋ ءمينيسترى بولعان قاجاحمەت بالاحمەتوۆ ومىردەن ءوتتى. قارالى حاباردى ءبىلىم جانە عىلىم ءمينيسترى اسحات ايماعامبەتوۆ facebook پاراقشاسىندا جەتكىزدى.
– قاجاحمەت بالاحمەت ۇلى ەلىمىزدىڭ ءبىلىم بەرۋ سالاسىن دامىتۋعا باعا جەتپەس ۇلەس قوسقان ادام. بۇل سالانى 13 جىلدان استام باسقارعان ول، بالالار مەن جاستاردى وقىتۋ ماسەلەسىنە ەرەكشە نازار اۋداراتىن.
سوڭعى رەت قاجاحمەت بالاحمەتوۆپەن بيىل جازدا 95 جاس مەرەيتويىمەن قۇتتىقتاپ بارعانىمدا كەزدەسىپ ەدىك. ول ۇنەمى ءبىلىم بەرۋ ىسىندەگى جاڭالىقتاردى قاداعالاپ، ءوز تاجىريبەسىمەن ءبولىسىپ وتىراتىن. قاجاحمەت بالاحمەت ۇلىنىڭ تۋعان-تۋىستارى مەن جاقىندارىنا قايعىلارىنا ورتاقتاسىپ، كوڭىل ايتامىن، – دەدى ايماعامبەتوۆ.
قاجاحمەت بالاحمەتوۆ 1926 جىلى 26 ماۋسىمدا اقمولا وبلىسىندا تۋعان. قازاق كسر اعارتۋ ءمينيسترى قىزمەتىن 1974-1987 جىلدارى اتقارعان.
بالاحمەتوۆ مينيستر بولعان جىلدارى مەكتەپتەردىڭ ماتەريالدىق-تەحنيكالىق بازاسىن نىعايتۋ بويىنشا تۇبەگەيلى شەشىمدەر قابىلداعان. مەكتەپتەر مەن بالاباقشالار، وقۋ ورىندارىنىڭ قۇرىلىسىن قارقىندى جۇرگىزگەن.
ونىڭ ءبىلىم بەرۋ ماسەلەلەرىنە ارنالعان 70-تەن اسا ەڭبەگى جارىق كورگەن.
پىكىر قالدىرۋ