نۇر-سۇلتاندا 8 قاراشادان باستاپ ساۋدا ويىن-ساۋىق ورتالىقتارىنا ەندى جۇمىس كۇندەرى دە "جاسىل" مارتەبەسى بار ازاماتتار عانا كىرە الادى. بۇل تۋرالى قالا اكىمدىگىنىڭ رەسمي سايتى حابارلادى.
تالداۋ ناتيجەسى كورسەتكەندەي، ءۇي كارانتينىن بۇزۋشىلاردىڭ ەڭ كوپ سانى ءدال وسى ساۋدا ويىن-ساۋىق ورتالىقتارىندا تىركەلگەن. ساۋدا ويىن-ساۋىق ورتالىقتارى ادامدار كوپ جينالاتىن جانە ۇزاق ۋاقىت بولاتىن ورىن ەكەنىن ەسكەرە وتىرىپ، كوروناۆيرۋستىق ينفەكسيانىڭ تارالۋ ءقاۋپى ارتادى.
"وسى جىلدىڭ 8 قاراشاسىنان باستاپ قىزمەتكەرلەر مەن كەلۋشىلەردە تەك "جاسىل" مارتەبەسى بولعان جاعدايدا نەمەسە تەرىس ناتيجەسى بار پتر تەستى بولسا جانە سوڭعى 3 اي ىشىندە اۋىرىپ جازىلعان ادامدار ءۇشىن جۇمىس كۇندەرى جانە دەمالىس كۇندەرى ساۋدا ويىن ساۋىق ورتالىقتارىنا كىرۋ قولجەتىمدى بولادى" دەلىنگەن حابارلامادا.
پىكىر قالدىرۋ