شىمكەنتتەگى دارىن ورتالىعىندا مەكتەپكە دەيىنگى ۇيىم تاربيەلەنۋشىلەرى اراسىندا «جاس ونەرپاز» مۋزىكالىق شىعارماشىلىق بايقاۋى ءوتتى. بايقاۋعا شىمكەنت قالاسىنىڭ مەكتەپكە دەيىنگى 31 ۇيىمنان 57 تاربيەلەنۋشى قاتىستى.

قاراتاۋ ءداستۇرلى ونەر مەكتەبىندە وتكەن بايقاۋدىڭ نەگىزگى ماقساتى – بالالاردىڭ شىعارماشىلىققا دەگەن تالپىنىسىن ارتتىرۋ، دامۋىنا قولداۋ كورسەتۋ، ءداستۇرلى اندەردى دارىپتەۋ. سونداي-اق، ۇلتتىق تالىم-تاربيەنى جاستاردىڭ بويىنا سىڭىرە وتىرىپ ىزگىلىك پەن ادامگەرشىلىككە باۋلۋ.

بايقاۋعا قاتىسىپ، ونەر كورسەتكەن ورەندەردىڭ اراسىنان جەڭىمپازدار انىقتالىپ، ماراپاتتالدى. جەڭىمپازداردى دارىن ورتالىعىنىڭ ديرەكتورى، پەداگوگيكا عىلىمدارىنىڭ كانديداتى دجەرەنوۆا راۋشان ومارحان قىزى ماراپاتتادى.

بايقاۋ "ءانشى بالاپان"، "ءبيشى بالاپان" جانە "ءسانقوي بالاقاي" نوميناسياسى بويىنشا وتكىزىلدى. جەڭىمپازدارعا I، II، III دارەجەلى ديپلومدار مەن باعالى سىيلىقتار تابىستالدى.