اباي اۋدانىندا جالپى 453 كوپقاباتتى تۇرعىن بار. اۋدان اكىمدىگى وكىلدەرى جىل باسىنان بەرى تۇرعىندارمەن 500-دەن اسا جيىن ۇيىمداستىرىپ، جاڭا باسقارۋ جۇيەسى جونىندە تۇسىندىرمە جۇمىسىن جۇرگىزگەن. اتقارىلعان باسقوسۋلار ءوز ناتيجەسىن بەردى. بۇگىندە 297 كوپقاباتتى ۇيدە جاي سەرىكتەستىك جانە 58 ۇيدە مۇلىك يەلەرىنىڭ بىرلەستىگى قۇرىلىپ، قالالىق ادىلەت دەپارتامەنتىندە تىركەلدى.
مۇلىك يەلەرىنىڭ بىرلەستىگى مەن جاي سەرىكتەستىكتى باسقارۋدا كوپقاباتتى تۇرعىن ءۇيدى جاقسارتۋ، تازا ۇستاۋ، جوندەۋ جانە تاعى باسقا جۇمىستاردىڭ قالاي ورىندالىپ جاتقانى انىق كورىنەدى.
«ءبىر ءۇي –ءبىر بىرلەستىك – ءبىر ەسەپشوت» قاعيداسى ارقىلى تۇرعىندار ءوز ءۇيىن ءوزى كۇتىپ ۇستاۋعا اقشا جيناپ، جينالعان اقشانى قايدا جانە قالاي جۇمساۋدى باسقارۋ مۇمكىندىگى بار.
ميب (مۇلىك يەلەرىنىڭ بىرلەستىگى) قۇرىلعاندا ەكى ەسەپشوت اشىلادى. ولار اعىمداعى جانە جيناق شوتى. اعىمداعى شوت ەسەبىنەن كۇندەلىكتى تازالاۋ، جيناۋ، جۋۋ قىزمەتىنىڭ اقىسىن تولەپ وتىرۋعا جۇمسالادى.
ال جيناق شوتىنا ۇزاقمەرزىمدى ۋاقىتقا اقشا جيناپ، تۇرعىن ءۇيدى جوندەۋ، شاتىرىن اۋىستىرۋ سياقتى جۇمىستاردى ىستەيدى. جيناق شوتىنا تۇسكەن قاراجات ەسەبىنەن كوپپاتەرلى ۇيلەردە كۇردەلى جوندەۋ جۇمىسىن دا اتقارۋعا بولادى.
قالا تۇرعىندارىنان كوپقاباتتى ۇيلەردى باسقارۋدىڭ جاڭا جۇيەسىن قولداۋعا شاقىرامىز. جاڭا جۇيە اۋلالاردى اباتتاندىرۋعا، كۇردەلى جوندەۋ جۇرگىزۋگە قاتىستى ماسەلەلەردى ۋاقىت وتكىزبەي، تۇبەگەيلى جويىپ، جاۋاپكەرشىلىكتى ارتتىرادى.
شىمكەنت قالاسى اكىمدىگىنىڭ باسپا ءسوز قىزمەتى
پىكىر قالدىرۋ