دەناۋلىق ساقتاۋ ءمينيسترى الەكسەي سوي قازاقستان مەكتەپتەرىندە بالالارعا، جاسوسپىرىمدەرگە كوروناۆيرۋسقا قارسى ۆاكسينا قاشان جانە قايدا سالىناتىنىن ايتتى. بۇل تۋرالى  مينيستر ۇكىمەت وتىرىسىندا حابارلادى.

– بالالارعا ۆاكسينا ءبىلىم بەرۋ ۇيىمدارىندا جانە قازاقستان بويىنشا ەگۋ پۋنكتەرىندە سالىنادى. ۆاكسينا بالالارعا، كامەلەتكە تولماعاندارعا، جاسوسپىرىمدەرگە اتا-انانىڭ نەمەسە زاڭدى وكىلدەرىنىڭ كەلىسىمى بولعان جاعدايدا عانا سالىنادى، – دەدى سوي ۇكىمەت وتىرىسىندا.

ءمينيستردىڭ ايتۋىنشا، قازاقستانعا Pfizer ۆاكسيناسىنىڭ ءبىرىنشى پارتياسىن 379 مىڭ دوزا كولەمىندە 15 قاراشاعا دەيىن جەتكىزۋ جوسپارلانعان.

قازاقستاندا بالالار مەن جۇكتى ايەلدەرگە، ەمىزۋلى بالاسى بار ايەلدەرگە ۆاكسينا سالۋدى قامتاماسىز ەتۋ ءۇشىن 4 ميلليون 230 مىڭ دوزا ساتىپ الىنعان. بۇل 2 ميلليون 115 مىڭ ادامدى قامتاماسىز ەتۋگە جەتەدى.

ۆاكسينا 12-17 جاس ارالىعىنداعى بالالارعا، جۇكتىلىكتىڭ 16-37 اپتاسىنداعى ايەلدەرگە جانە بوسانعانىنا 42 كۇن بولعان ەمىزۋلى بالاسى بار ايەلدەرگە سالىنادى.

10 قاراشا كەشكە Qatar Airways اۋە كومپانياسى Pfizer ۆاكسيناسىنىڭ پارتياسىن جەتكىزەدى.