شىمكەنت قالاسىنىڭ ءبىلىم باسقارماسىنا قاراستى ساتتار ەرۋبايەۆ اتىنداعى №24 IT مەكتەپ-ليسەيىنىڭ 11 سىنىپ وقۋشىلارىنا، كاسىبي باعىت-باعدار بەرۋ بويىنشا كەزدەسۋ ءوتتى. كەزدەسۋگە قازاقستاننىڭ جەتەكشى جوعارعى وقۋ ورىندارىنىڭ ءبىرى «NARXOZ» ۋنيۆەرسيتەتىنىڭ مامانى توكتىبايەۆا گۋليا كويشىبايەۆنا مەن 2 كۋرس ستۋدەنتى كونىرتايەۆا جۋلدىز باگداتكىزى قاتىستى.

كەزدەسۋدە سپيكەرلەر مەكتەپ ءبىتىرۋشى تۇلەكتەرگە ۋنيۆەرسيتەتتەگى مۇمكىندىكتەر جايلى، مەملەكەتتىك گرانتتا ءبىلىم الۋ مۇمكىندىگى جانە دە ۋنيۆەرسيتەتتىڭ ىشكى گرانتتارىن (25،50،100 %) ۇتىپ الۋ تۋرالى تىڭ اقپاراتتىرىمەن بولىسە وتىرا، بولاشاق تۇلەكتەرگە ءوز قالاۋلارى بويىنشا ماماندىق تاڭداۋ قاجەت ەكەندىگىن جەتكىزدى.

اتاپ ايتقاندا، كاسىپتىك باعدار بەرۋ - قوعامنىڭ قاجەتتىلىگىنە قاراي ءاربىر وقۋشىنىڭ قابىلەتتىلىگى مەن بەيىمدىلىگىن ەسكەرە وتىرىپ، كاسىپكە قىزىعۋشىلىعىن قالىپتاستىرۋعا جانە بولاشاق ماماندىعىن سانالى تۇردە تاڭداۋعا كومەكتەسۋدە، ماقساتتى اتقارىلاتىن جۇمىس. كاسىپتىك باعدار بەرۋ جۇمىسى جاس ۇرپاقتىڭ سانالى تۇردە بولاشاق ماماندىعىن قاتەلەسپەي تاڭداۋعا مۇمكىندىك جاسايدى.

كوپتەگەن وقۋشىلار بولاشاق ماماندىعىن تاڭداۋدا ءوزىنىڭ ءبىلىمىن، قىزىعۋشىلىعىن نەمەسە تاڭدالعان ماماندىعىنىڭ ەڭبەك نارىعىنداعى سۇرانىسىن ەسكەرمەي ماماندىق تاڭداپ جاتادى. سوندىقتان دا مەكتەپ ءبىتىرۋشى تۇلەكتەرمەن جوسپارلى تۇردە كاسىپتىك باعدار بەرۋ ماسەلەلەرى بويىنشا، ءار ءتۇرلى اعارتۋشىلىق شارالار وتكىزىلۋدە. وسىنداي جوعارعى وقۋ ورىندارىنىڭ ماماندارىمەن كەزدەسۋلەر مەن دارىستەر ۇيىمداستىرۋ ارقىلى وقۋشىلارعا كاسىبي باعىت بەرىپ، بولاشاق ماماندىقتارىن دۇرىس تاڭداۋعا جول كورسەتۋگە بولادى.

شىمكەنت قالاسىنىڭ اقپاراتتىق-كوممۋنيكاسيالىق ورتالىعى