2021 جىلدىڭ 18 قاراشاسىندا ساعات 09:30-دا Rixos Khadisha Hotel (جەلتوقسان، 17) قوناق ۇيىندە "YPO Forum Shymkent: جاڭا شىندىقتاعى بيزنەس" اتتى ءۇشىنشى بيزنەس-فورۋمى وتەدى.

YPO (Young Presidents Organization) – ءار ەلدە ءوز بولىمشەلەرى/چاپتەرلەرى بار بيزنەسمەندەردىڭ جابىق حالىقارالىق كلۋبى. جالپى، الەمدە كلۋبتىڭ 25 مىڭ تابىستى باسشىلارى نەمەسە بيزنەس باسقارۋشى مۇشەلەرى بار. جاھاندىق بيزنەس-نەتۆوركينگكە ۇيىم مۇشەلەرىنىڭ كەلىسىمىمەن عانا قاتىسۋعا بولادى. قازاقستاندا YPO قۇرامىنا 34 كاسىپكەر كىرەدى، ولاردىڭ جالپى كەلىسىمىمەن چاپتەر جاڭا مۇشەلەرمەن تولىقتىرىلا الادى.

فورۋمنىڭ سپيكەرلەرى جانە جاس كاسىپكەرلەردىڭ تالىمگەرلەرى، YPO كلۋبىنا مۇشە قازاقستاندىق التى جەتەكشى بيزنەسمەن قاتىسادى:
"Chocofamily" ينتەرنەت-حولدينگىنىڭ باقىلاۋشى كەڭەسىنىڭ نەگىزىن قالاۋشى جانە ءتوراعاسى راميل مۋحورياپوۆ،
"tan Media Group" قوجايىنى جانە "31 ارنا" ترك، سونداي-اق قازاقستاننىڭ باسقا دا تاۋەلسىز ب ا ق نەگىزىن قالاۋشى - ارمانجان بايتاسوۆ،
Bilim Media Group كومپانياسىنىڭ نەگىزىن قالاۋشىسى جانە باسشىسى راۋان كەنجەحان ۇلى،
"Freedom Holding Corp" جاريا كومپانياسىنىڭ باس اتقارۋشى ديرەكتورى جانە ديرەكتورلار كەڭەسىنىڭ ءتوراعاسى تيمۋر تۋرلوۆ،
"Alageum Electric" كومپانيالار جەلىسىنىڭ باسشىسى ەركەبۇلان ءىلياسوۆ،
قازاقستاندىق "BI Group" ءىرى قۇرىلىس كومپانياسىنىڭ نەگىزىن قالاۋشى جانە ديرەكتورلار كەڭەسىنىڭ ءتوراعاسى ايدىن راحىمبايەۆ.

وسىلايشا، قالىپتاسقان تابىستى بيزنەس رەسپۋبليكاداعى كاسىپكەرلىكتى دامىتۋعا، سالاۋاتتى باسەكەلەستىك ورتانى قالىپتاستىرۋعا، ءوز ءىسىن جاڭا باستاعان جاس قازاقستاندىقتاردى قولداۋعا جانە ىنتالاندىرۋعا ءوز ۇلەسىن قوسادى. سپيكەرلەر جەتىستىكتىڭ قۇپيالارىمەن، پراكتيكالىق كەيستەرمەن جانە ءبىزدىڭ ەلىمىزدە بيزنەس جۇرگىزۋ بويىنشا كەڭەستەرىمەن بولىسەدى.

الداعى فورۋم تۋرالى اقپارات جۇمىس ىستەپ تۇرعان بيزنەس يەلەرى مەن ستارتاپەرلەر اراسىندا عانا ەمەس، كاسىپكەرلىك سالاسىندا ءوز الەۋەتىن ىسكە اسىرۋ ماقساتى بار جاستار اراسىندا دا قىزىعۋشىلىق تۋعىزدى.

قاتىسۋ ءۇشىن مىنا سايتقا تىركەلۋ كەرەك: www.sbf2021.kz

شىمكەنت قالاسىنىڭ اقپاراتتىق-كوممۋنيكاسيالىق ورتالىعى