"مەموراندۋم اياسىندا قاجەتتى جۇمىستار جۇرگىزىلىپ جاتىر" دەگەن مينيستر جۋرناليستەرگە.

كەشە قوعام بەلسەندىسى مۇحتار تايجان Facebook پاراقشاسىندا قازاقستاننىڭ EGov ەلەكتروندىق پلاتفورماسى رەسەيلىك سبەر كومپانياسىنا بەرىلمەيتىن بولعانى تۋرالى مالىمدەگەن.

ول 9 قاراشا كۇنى ەلوردادا ساراپتامالىق كەڭەستىڭ ءبىرىنشى وتىرىسى وتكەنىن، كەزدەسۋگە كوپتەگەن قازاقستاندىق IT كومپانيالار مەن ءوزى قاتىسقانىن ايتقان. 

تايجان جيىن بارىسىندا مينيستر باعدات مۋسين رەسەيلىك سبەربانك قازاقستانداعى سيفرلاندىرۋمەن اينالىسپايتىنىن، ەلدىگىدە ەلدىڭ سيفرلىق دامۋىمەن تەك وتاندىق كومپانيالار شۇعىلداناتىنىن ايتقانىن جەتكىزگەن.

"سايكەسىنشە، سبەربانككە قازاقستان ازاماتتارىنىڭ ەشقانداي جەكە دەرەكتەرى بەرىلمەيدى. سبەربانك ەشقاشان ءبىزدىڭ دەرەكتەر بازاسىنا قول جەتكىزە المايدى. ازاماتتاردىڭ دەرەكتەر بازاسى تەك قازاقستان اۋماعىندا ساقتالادى. 500 ميلليون دوللار (قازاقستان ۇكىمەتى مەن رەسەيلىك كومپانيا اراسىنداعى كەلىسىم قۇنى - رەد) نەگىزىنەن ەلدە قالىپ، الداعى 5 جىلدا وتاندىق ءىت كومپانيالار مەن ولاردىڭ قىزمەتكەرلەرىنە تولەنەدى. ولار ءوزىمىزدىڭ سەرۆەرلىك بازانى ازىرلەۋگە ءتيىس. سيفرلاندىرۋدىڭ جاڭا باعدارلاماسى 5 جىلعا جوسپارلانعان" دەگەن ەدى بەلسەندى. سونداي-اق ول مۇنداي شەشىم ازاماتتىق قوعام ارقاسىندا جۇزەگە اسقانىن جەتكىزگەن.

بۇعان دەيىن قازاقستان پرەمەر-مينيستر اسقار مامين مەن رەسەيلىك سبەر كومپانيالار توبىنىڭ باسشىسى گەرمان گرەف قازاقستاننىڭ سيفرلىق ترانسفورماسياسى، سيفرلاندىرۋدىڭ پلاتفورمالىق مودەلىنە جانە "Data-Driven Government" تۇجىرىمداماسىنا كوشۋ جونىندەگى جوبالاردى ىسكە اسىرۋ سالاسىنداعى ىنتىماقتاستىق تۋرالى مەموراندۋمعا قول قويعان. ول بويىنشا رەسەيلىك كومپانيا قازاقستانعا Data-Driven Government (دەرەكتەر نەگىزىندەگى ۇكىمەت) تۇجىرىمداماسىن جاساپ بەرۋگە ءتيىس بولعان. جوبا قۇنى 500 ميلليون دوللارعا باعالانعان.

قازاقستان ۇكىمەتىنىڭ رەسەيلىك كومپانيامەن ارىپتەس بولاتىنى قوعامدا نارازىلىققا تاپ بولىپ، بيلىك وتكىر سىن استىندا قالعان. جوبانى سىناۋشىلار ەگەر ۇكىمەت سبەر كومپانياسىمەن كەلىسىمگە كەلسە، قازاقستان سيفرلىق ەگەمەندىگىنە ءقاۋىپ تونەتىنىن ايتادى.