شىمكەنت قالاسىنىڭ اكىمى م.ايتەنوۆتىڭ تاپسىرماسىنا سايكەس، گازتەحنيكالىق ينسپەكسيا ءبولىمى مەن اۋداندىق اكىمدىكتەر جانە دە توتەنشە جاعدايلار دەپارتامەنتى بىرلەسە وتىرىپ، تۇرعىندارعا قاۋىپسىزدىك شارالارىن ساقتاۋ بويىنشا تۇسىندىرمە جۇمىستارىن تۇراقتى تۇردە جۇرگىزىپ كەلەدى.
جىل باسىنان بەرى، ءبولىم قىزمەتكەرلەرى قالا تۇرعىندارىنا قاۋىپسىزدىك شارالارىن ساقتاۋ بويىنشا ءتۇسىندىرۋ جۇمىستارى بارىسىندا 25 مىڭ دانا حابارلاما تاراتتى. سونىمەن قاتار، تۇرعىنداردىڭ گاز پايدالانۋ كەزىندەگى قاۋىپسىزدىك شارالارىن ساقتاۋ بويىنشا تەلە ارنادا اپتا سايىن 5 ۆيدەوروليك كورسەتىلدى جانە ينتەرنەت رەسۋرستارىندا دا جاريالاندى.
گازدان ۋلانۋ بويىنشا وقىس وقيعالار كوبىنەسە تۇرعىندار تەحنيكالىق تالاپتارى ساقتاماۋى سالدارىنان ورىن الىپ وتىر. 2020-2021 جىلدىڭ جىلىتۋ ماۋسىمىندا قالا بويىنشا ۋلانۋ سالدارىنا 8 ادام قايتىس بولعان.
سونىمەن قاتار، قالا اۋماعىندا دەمەۋشىلەر ەسەبىنەن 2019 جىلى 776 گاز دابىلقاققىش، 2020 جىلى 1 102 گاز دابىلقاققىش، 2021 جىلى ۇيلەرگە بيۋدجەت ەسەبىنەن 2 192 گاز دابىلقاققىش ورناتىلعان. ال، قۇرىلىسى ءجۇرىپ جاتقان ۇيلەرگە 2022 جىلى بيۋدجەت ەسەبىنەن 2 424 گاز دابىلقاققىش ورناتۋ جوسپارلانۋدا.
قۇرمەتتى قالا تۇرعىندارى!
ەگەردە ءوز بەتتەرىڭىزبەن اۆتونومدىق جىلىتۋ جابدىقتارىن نەمەسە باسقا دا گازدىق قۇرىلعىلاردى ورناتقان جاعدايدا زاڭناماعا سايكەس، ءتيىستى اكىمشىلىك شارالار قولدانىلاتىنىن ەسكەرتەمىز.
شىمكەنت قالاسىنىڭ اقپاراتتىق-كوممۋنيكاسيالىق ورتالىعى
پىكىر قالدىرۋ