دەنساۋلىق ساقتاۋ مينيسترلىگى ەلدەگى ەپيدەميولوگيالىق جاعدايعا بايلانىستى سوڭعى مالىمەتتەردى جاريالادى.

مينيسترلىك مالىمەتىنشە، وتكەن تاۋلىكتە پتر تەست ارقىلى 1083 ادامنان كوروناۆيرۋس، 177 ادامنان پنيەۆمونيا انىقتالعان. 16 قاراشادا 23 ادام كوروناۆيرۋستان، 3 ادام پنيەۆمونيادان كوز جۇمعان.

18 قاراشاداعى مالىمەت بويىنشا، 31 475 ادام كوروناۆيرۋس پەن پنيەۆمونيادان ەمدەلىپ جاتىر. ولاردىڭ ىشىندە 6 454 پاسيەنت ستاسيوناردا، 25 021 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققاندار اراسىندا 506 ادامنىڭ جاعدايى اۋىر، 125 پاسيەنتتىڭ جاعدايى وتە اۋىر، 91 ناۋقاس ءوجج اپپاراتىندا جاتىر.

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، پاۆلودار، سولتۇستىك قازاقستان وبلىستارى "قىزىل" ايماقتا. نۇر-سۇلتان قالاسى، اتىراۋ، اقمولا، قاراعاندى، قوستاناي وبلىستارى "سارى" ايماقتا. «جاسىل» ايماقتا: الماتى، شىمكەنت قالالارى، اقتوبە، الماتى، باتىس قازاقستان، تۇركىستان، جامبىل، قىزىلوردا، ماڭعىستاۋ، شىعىس قازاقستان وبلىستارى.

18 قاراشاداعى مالىمەت بويىنشا 8 588 742 ادام ۆاكسينانىڭ I كومپونەنتىن، 7 884 832 ادام II كومپونەنتىن سالدىرعان.