"تايۆان بۇعازىنداعى شيەلەنىستىڭ كۇشەيۋى ءبىر تۇندە سوعىسقا سوقتىرۋى ەكىتالاي، ءبىراق قاتە ەسەپتەۋ مەن قاتە مالىمەتتەر بولعان جاعدايدا ونداي سالدار بولۋى ىقتيمال" دەپ ەسكەرتتى سينگاپۋر پرەمەر-مينيسترى لي سيانلۋن.
بۇل تۋرالى لي Bloomberg جاڭا ەكونوميكا فورۋمىندا ايتتى. وعان دەيىن جۇڭگو ءتوراعاسى سي سزينپين مەن اقش پرەزيدەنتى دجو بايدەن ۆيرتۋالدى كەزدەسۋدە تايۆان ماسەلەسىنە نازار اۋدارعان.
"مەنىڭ ويىمشا، ءبىز الاڭداۋىمىز كەرەك" دەدى لي Bloombergء-تىڭ باس رەداكتورى دجون ميكلەتۆەيتكە.
ول 45 مينۋتتىق سەسسيادا ايماقتىق ساۋدا، كومىرتەگى شىعىستارى، بايلىققا سالىق سالۋ، سينگاپۋرداعى كوۆيد-19 جاعدايى، سونداي-اق زەينەتكەرلىككە شىعۋ جانە بيلىكتى ءبىر ادامعا بەرۋ تۋرالى كەيىنگە قالدىرىلعان جوسپارى بويىنشا ءبىرقاتار سۇراقتارعا جاۋاپ بەردى.
پىكىر قالدىرۋ