شىمكەنت قالاسىندا قاراباستاۋ تۇرعىن الابىنىڭ تۇرعىندارى سەنبىلىككە شىعىپ، ءوز اۋماقتارىن جاسىل-جەلەككە اينالدىرۋ ءۇشىن اعاش وتىرعىزدى. تۇرعىنداردىڭ يگى باستاماسىن قولداعان اكىم مۇرات ايتەنوۆ جانە باحادىر نارىمبەتوۆ باستاعان قالا ءماسليحاتىنىڭ دەپۋتاتتارى سەنبىلىك شاراسىنا قاتىسىپ، كوگالداندىرۋ جۇمىسىنا اتسالىستى.

قالا اكىمى قورشاعان ورتانى كوگالداندىرۋ جۇمىسى مۇنىمەن شەكتەلمەيتىنىن ايتىپ، تۇرعىنداردىڭ بەلسەندىلىگىنە العىسىن جەتكىزدى.

-«جاسىل قالا» دەگەن ماعىنانى بىلدىرەتىن قالامىزعا مەملەكەت باسشىسىنىڭ تاپسىرماسىنا سايكەس، 5 جىلدا 5،5 ملن ءتۇپ اعاش كوشەتى وتىرعىزىلادى. اعاشتار ەكولوگيالىق جاعدايدى جاقسارتۋدا كليماتقا وڭ اسەر ەتۋمەن بىرگە، اۋانى تازارتۋدا جانە وزىمىزدەن كەيىنگى ۇرپاقتىڭ ساۋلىعى ءۇشىن اسا ماڭىزدى ءرول اتقارادى. سىزدەردىڭ بۇگىنگى يگى ىستەرىڭىز بولاشاق ۇرپاق ءۇشىن زور ۇلگى. كوگالداندىرۋ جۇمىسىندا بەلسەندىلىك كورسەتكەندەرىڭىز ءۇشىن العىس ايتامىن، - دەدى قالا اكىمى.

سەنبىلىك بارىسىندا ەلدى مەكەندەگى كوشەلەر مەن سپورت الاڭشالارى اۋماعىنا 2000 جۋىق جەمىس اعاشتارى مەن كلەند، ايلاند، قاراعاش كوشەتتەرى وتىرعىزىلدى.

اعاش وتىرعىزۋ شاراسىنا 600-دەن اسا اكىمدىك وكىلدەرى مەن اۋدان تۇرعىندارى قاتىسىپ، 7 تەحنيكا جۇمىلدىرىلىپ،
№1 اۆتوجول بويىنا 60 ءتۇپ قىرىم قاراعايى قوندىرىلدى.