نۇر-سۇلتاندا بوتالى كوشەسىندە ورنالاسقان كوپقاباتتى تۇرعىن ۇيدەن ءورت شىقتى. بۇل تۋرالى نۇر-سۇلتان قالاسى تجد باسپا ءسوز قىزمەتى حابارلادى.
توتەنشە جاعداي 19 قاراشادا بولعان.
"ءورت سوندىرۋشىلەر كەلگەن سوڭ 18 قاباتتى "ەۆروپەيسكيي" تۇرعىن ءۇي كەشەنىندە №1 كىرەبەرىستە 10-نان 18-قاباتقا دەيىن شاحتادا ەلەكتر سىمدارى جانعانى انىقتالدى. جالىن ساعات 16:14-تە وقشاۋلانىپ، 16:17-دە ءسوندىرىلدى" دەپ حابارلادى ەلوردانىڭ توتەنشە جاعداي دەپارتامەنتىنىڭ باسپا ءسوز قىزمەتى.
ءورت سوندىرۋشىلەر 6 ادام، ونىڭ ىشىندە 5 بالانى ەۆاكۋاسيالاعان. قازىرگى تاڭدا ءورتتىڭ شىعۋ سەبەبى انىقتالىپ جاتىر.
كۋاگەرلەردىڭ ايتۋىنشا، ءورت شىققان ۇيدەن كومەك سۇراعان ادامداردىڭ داۋسى ەستىلگەن. قازىرگە دەيىن زارداپ شەككەندەر تۋرالى اقپارات جوق.
