وتكەن تاۋلىكتە پتر تەست ارقىلى 1047 ادامنان كوروناۆيرۋس، 132 ادامنان پنيەۆمونيا انىقتالعان. بۇل تۋرالى دەنساۋلىق ساقتاۋ مينيسترلىگى حابارلادى.
18 قاراشاداعى دەرەك بويىنشا 20 ادام كوروناۆيرۋستان، 4 ادام پنيەۆمونيادان كوز جۇمعان.
ەلدە پتر سىناماسى وڭ ناتيجە كورسەتكەن جاعدايلاردىڭ رەسمي سانى 962 781-گە جەتتى. ونىڭ ىشىندە 12 537 ادام ىندەتتەن كوز جۇمعان. 2020 جىلعى 1 تامىزدان بەرى 81 854 ادام پنيەۆمونياعا شالدىققان. ونىڭ 5112-ى قايتىس بولعان.
ىندەتكە شالدىققاندار اراسىندا 488 ادامنىڭ جاعدايى اۋىر، 133 پاسيەنتتىڭ جاعدايى وتە اۋىر، 94 ناۋقاس ءوجج اپپاراتىندا جاتىر.
قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا ساي، 2021 جىلعى 20 قاراشاداعى جاعداي بويىنشا پاۆلودار، سولتۇستىك قازاقستان وبلىستارى "قىزىل" ايماقتا. نۇر-سۇلتان قالاسى، اقمولا، قاراعاندى، قوستاناي وبلىستارى – "سارى" ايماقتا. الماتى، اتىراۋ، شىمكەنت قالالارى، اقتوبە، الماتى، باتىس قازاقستان، تۇركىستان، جامبىل، قىزىلوردا، ماڭعىستاۋ، شىعىس قازاقستان وبلىستارى "جاسىل" ايماقتا.
20 قاراشاداعى مالىمەت بويىنشا ەلدە كوروناۆيرۋسقا قارسى ۆاكسينانىڭ I كومپونەنتىن 8 620 968 ادام، II كومپونەنتىن 7 929 289 ادام سالدىرعان.
پىكىر قالدىرۋ