شىمكەنتتىڭ باس دارىگەرى، حالىق قالاۋلىسى ءمادينا ەرماحانبەتوۆا تۇل جەتىم جانە الەۋمەتتىك جاعدايى تومەن وتباسىلاردىڭ بالالارىنا ارناپ «جۇرەكتەن-جۇرەككە» قايىرىمدىلىق اكسياسىن وتكىزدى. مەديسينا قىزمەتكەرى جەتكىنشەكتەرگە مەرەكەلىك داستارحان جايىپ، اتا-انالارىنا ازىق-تۇلىك تاراتتى. اكسيا ق ر تاۋەلسىزدىگىنىڭ 30 جىلدىعىنا ورايلاستىرىپ وتكىزىلدى.

مادينا سەيفۋللا قىزى جايعان مەرەكەلىك داستارحانعا ءۇي جاعدايىندا ءبىلىم الاتىن مۇمكىندىگى شەكتەۋلى بالالار مەن اتا-انالارى دا شاقىرىلدى. جالپى قايىرىمدىلىق شاراسىنا 100-گە جۋىق بالا قاتىستى. ولارعا ءتۇرلى سىيلىقتار تارتۋ ەتىلدى. كەش بارىسىندا بالعىندار تەاترلاندىرعان كورىنىس تاماشالاپ، ءان ايتىپ، بي بيلەدى.

- بالالارعا قامقورلىق كورسەتۋدى ماقسات ەتكەن اكسيا اياسىندا ولاردىڭ بويىنا مەيىرىمدىلىك، قايىرىمدىلىق ۇعىمدارىن قالىپتاستىرعىمىز كەلدى. جەتكىنشەكتەردى كىشىپەيىلدىلىككە، باۋىرمالدىققا باۋلۋعا ۇلەس قوسساق دەگەن وي بولدى،- دەيدى مادينا ەرماعانبەتوۆا.

ايتا كەتەيىك، قالالىق گيپەرباريالىق وتتەكتەۋ ورتالىعىنىڭ باس دارىگەرى مادينا ەرماعانبەتوۆانىڭ باستاماسىمەن «جۇرەكتەن-جۇرەككە» قايىرىمدىلىق اكسياسى جىل سايىن ۇيىمداستىرالادى.