باقىلاۋ-كاسسا ماشيناسىنىڭ فيسكالدى تۇبىرتەگىن بەرىلمەگەنى تۋرالى نەمەسە تولەم كارتالارى بويىنشا تولەمدى قابىلداۋدان باس تارتۋ تۋرالى حابارلايتىن قازاقستان رەسپۋبليكاسىنىڭ تۇرعىندارى اراسىندا «ازاماتتىق باقىلاۋ – تۇبىرتەكتى تالاپ ەت» اكسياسى وتكىزىلە باستادى. بۇل تۋرالى ق ر قم مەملەكەتتىك كىرىستەر كوميتەتى حابارلادى.
مەملەكەت باسشىسىنىڭ ءوزىن-وزى رەتتەۋ، قوعامدىق باقىلاۋ تەتىكتەرىن موراتوريي قولدانۋ كەزەڭىندە جانداندىرۋ تۋرالى تاپسىرمالارىنا سايكەس مەملەكەتتىك كىرىستەر كوميتەتى باقىلاۋ-كاسسا ماشيناسىنىڭ فيسكالدىق تۇبەرتەكتەرىن بەرمەۋ نە تولەم كارتالارى بويىنشا تولەمدى قابىلداۋدان باس تارتۋ فاكتىلەرىن انىقتاۋ ءۇشىن 2021 جىلعى 20 قازاننان باستاپ «ازاماتتىق باقىلاۋ-تۇبىرتەكتى تالاپ ەت» اكسياسىن قايتا باستادى.
«ازاماتتىق باقىلاۋ - تۇبىرتەكتى تالاپ ەت» اكسياسىنا كەز كەلگەن نيەت ءبىلدىرۋشى ازامات قاتىسا الادى. بارلىق جىبەرىلگەن وتىنىشتەر مەملەكەتتىك كىرىستەر ورگاندارىمەن قاراستىرىلاتىن بولادى.
فيسكالدىق تۇبىرتەكتى بەرمەۋ نەمەسە تولەم كارتالارى بويىنشا تولەمدى قابىلداۋدان باس تارتۋ فاكتىلەرى تۋرالى App Store جانە Play market-تەن «WIPON CASHBACK» تەگىن ءموبيلدى قوسىمشاسىن جۇكتەۋ ارقىلى حابارلاۋعا جانە فيسكالدىق تۇبىرتەكتى بەرمەۋ فاكتىسى راستالعان جاعدايدا تەلەفون تەڭگەرىمىنە سىياقى (جەكە تابىس سالىعى شەگەرىلە وتىرىپ 1000 تەڭگە) الۋعا بولادى.
كاسىپكەر تۋرالى اقپاراتتى ءبىلۋ ءۇشىن (يدەنتيفيكاسيالاۋ) ساتىپ الۋشى كاسسانىڭ جانىندا ورنالاسقان QR-كودتى سكانەرلەۋگە بولادى. مەملەكەتتىك كىرىستەر كوميتەتى قازاقستان رەسپۋبليكاسىنىڭ بارلىق ازاماتتارىن وزدەرىنىڭ ازاماتتىق ۇستانىمدارىن بىلدىرۋگە، زاڭدى بۇزۋشىلارعا بەي-جاي قاراماۋعا جانە «ازاماتتىق باقىلاۋ - تۇبىرتەكتى تالاپ ەت» اكسياسىنا بەلسەندى قاتىسۋعا شاقىرادى.
پىكىر قالدىرۋ