كەشە شىمكەنت قالالىق وپەرا جانە بالەت تەاترىنىڭ ساحناسىندا تاۋەلسىزدىگىمىزدىڭ 30 جىلدىعى اياسىندا، ەركەعالي راحمادييەۆتىڭ «قامار سۇلۋ» وپەراسىنىڭ پرەمەراسى كورەرمەن نازارىنا ۇسىنىلدى.

بۇل وپەرا پرەمەراسى العاش رەت 2013 جىلى قويىلىپ، قويۋشى رەجيسسەرلەرى ق ر حالىق ءارتىسى، مەملەكەتتىك سىيلىقتىڭ لاۋرەاتى عافيز ەسىموۆ پەن ق ر ەڭبەك سىڭىرگەن ءارتىسى ماحينۇر راحمانوۆا بولدى. بۇل جولعى پرەمەرانى رەسەي رەجيسسەرى ميحايل پاندجاۆيدزە ءوزىنىڭ ەرەكشە ءستيلدى يدەياسىمەن ەركەعالي راحمادييەۆتىڭ 90 جىلدىعىناQamshy.kz اقپارات اگەنتتىگى وراي ونەر سۇيەر كوپشىلىككە پاش ەتتى.

بايشىكەش نۇرىم بويجەتكەننىڭ قارسىلىعىنا قاراماستان قوس عاشىقتى اجىراتىپ، قاماردى ايەلدىككە الۋعا ۇمتىلادى. باي شونجاردىڭ سويىلىن سوققاندار سۇلۋدى نۇرىمنىڭ بوساعاسىنا بايلاپ بەرۋگە تىرىسادى. بۇعان قاماردىڭ اعاسى وسپان دا قۇمبىل. قويىلىمنىڭ ەكىنشى بولىمىندە قاماردى نۇرىم باي الىپ تىنادى. ءبىراق قايعىدان قۇر سۇلدەرى قالعان سۇلۋدى اكەسى ومار مەن عاشىعى احمەت قۇتقارىپ قالادى.

ساحنادا ونەر كورسەتكەن - شىمكەنت قالالىق وپەرا جانە بالەت تەاترىنىڭ سوليستەرى، حور ترۋپپاسى، بالەت جانە سيمفونيالىق وركەسترى.