الماتىدا Damu Business Group قاۋىمداستىعىنىڭ تانىستىرىلىمى ءوتتى. قاۋىمداستىق وتاندىق شاعىن جانە ورتا بيزنەستىڭ وسۋىنە قولداۋ بىلدىرۋمەن اينالىسپاق.

ءىس-شاراعا بەلگىلى بيزنەسمەندەر قاتىسىپ، كەلۋشىلەرگە اقىل-كەڭەستەرىن ايتتى. ولاردىڭ قاتارىندا بولاتبەك دالەلحان ۇلى، سىرىمبەك تاۋ، جالىن جاينارباي، قۇمار جۇماحان، ماۋلەت ورازحان ۇلى، الماس رىسبەكوۆ، اسحات ماحىمەتقان، قۋانىش كەرىمقۇلوۆ سىندى كاسىپكەرلەر بولدى.

سپيكەرلەر ءىس-شارا بارىسىندا بيزنەستى دامىتۋ جولدارى، قارجىنى ساۋاتتى باسقارۋ جانە دۇرىس جوسپارلاۋ، بيزنەس جوبانى جۇيەلى تۇردە جۇزەگە اسىرۋ، مەملەكەتتىك مەكەمەلەرمەن جۇمىس ىستەۋ جولدارى جانە ينۆەستيسيا تارتۋ، سالۋ سىندى تاقىرىپتار بويىنشا ءسوز سويلەدى.

تانىستىرۋ جيىنىنا جينالعان جاس كاسىپكەرلەرگە بيزنەستى جۇرگىزۋ بويىنشا باعىت-باعدار بەرىپ، جول سىلتەدى.

جاس كاسىپكەرلەر ءوز كەزەگىندە بيزنەستە تۋىندايتىن ءتۇرلى ماسەلەلەردى شەشۋ جولدارىن سۇراپ، پىكىر الماسىپ وتىردى.