وسى جىلدىڭ توعىز ايى ىشىندە اقتوبە وبلىسىنا 558 ملرد. تەڭگە ينۆەستيسيا تارتىلدى. بۇل رەسپۋبليكا بويىنشا ەڭ جوعارى كورسەتكىشتەردىڭ ءبىرى.
«وڭىرلەر اراسىندا العاشقى بەستىكتەمىز. ناقتىلاپ ايتساق ءتورتىنشى ورىندى يەمدەنىپ وتىرمىز. ينۆەستيسيا تارتۋ ءوڭىرىمىزدىڭ دامۋىنا قوسىمشا سەرپىن بەرەدى. وسىعان بايلانىستى وبلىستا قولايلى ينۆەستيسيالىق كليمات قۇرۋ بويىنشا بەلسەندى جۇمىستار جۇرگىزىلۋدە. ال، جىل سوڭىنا دەيىن 800 ملرد. تەڭگەدەن استام ينۆەستيسيا تارتۋدى جوسپارلاۋدامىز. ونىڭ العىشارتتارى جاسالدى»،- دەدى اقتوبە وبلىسىنىڭ اكىمى وڭداسىن ورازالين ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.
ينۆەستيسيالىق جوبالاردىڭ ىشىندەگى ىرىلەرى – «اكتوبە تەس» اق-نىڭ جىلۋ-ەلەكتر ورتالىعىن جاڭعىرتۋ جوباسى، قۇنى 20 ملرد. تەڭگە؛ «West Smart Trading» ءجشس-نىڭ قۇنى 13،8 ملرد. تەڭگە بولاتىن مالىمەتتەردى وڭدەۋ ورتالىعى، «Gas Processing Company» ءجشس-نىڭ قۇنى 5،4 ملرد. تەڭگە بولاتىن گازدى كەشەندى دايىندايتىن قوندىرعىنى قالپىنا كەلتىرۋ جۇمىستارى. شاعىن جانە ورتا بيزنەس سالاسىنىڭ دامۋىندا دا وڭ ديناميكا بايقالادى.
«پرەزيدەنت ءوز جولداۋىندا پاندەميا كەزىندە بيزنەستى قولداۋ شارالارى ءوزىنىڭ تيىمدىلىگىن دالەلدەگەنىن اتاپ ءوتىپ، وسى باعدارلامالاردى ودان ءارى دە جالعاستىرۋدى تاپسىردى. جالپى اقتوبە وبلىسىندا كاسىپكەرلىكتى دامىتۋعا ەرەكشە كوڭىل بولىنۋدە. 9 ايدىڭ قورىتىندىسى بويىنشا 2،5 مىڭنان استام شاعىن ورتا بيزنەس جوبالارى قولداۋ تاپتى. بۇل وتكەن جىلمەن سالىستىرعاندا 2 ەسە كوپ»،- دەيدى و.ورازالين.
جىل سوڭىنا دەيىن شاعىن جانە ورتا بيزنەستىڭ 3،3 مىڭداي سۋبەكتىسىن مەملەكەتتىك قولداۋ شارالارىمەن قامتۋ جوسپارلانىپ وتىر.
اقتوبە وبلىسى اكىمىنىڭ باسپا ءسوز قىزمەتى
پىكىر قالدىرۋ