قۇرمەتتى الماتى وبلىسىنىڭ تۇرعىندارى!
بارشاڭىزدى قازاقستان رەسپۋبليكاسىنىڭ تۇڭعىش پرەزيدەنتى كۇنىمەن قۇتتىقتايمىن!
تاۋەلسىزدىكتىڭ 30 جىلدىعى قارساڭىندا بۇل مەملەكەتتىك مەرەكە بەيبىت تە بەرەكەلى ومىرىمىزگە، ەلباسى نۇرسۇلتان ءابىش ۇلى نازاربايەۆتىڭ وسى جولداعى ولشەۋسىز ەڭبەگىنە دەگەن قۇرمەتىمىزدىڭ سيمۆولى ىسپەتتەس.
قازاقستاننىڭ جاڭا تاريحىنىڭ جارقىن بەتتەرى تۇڭعىش پرەزيدەنتتىڭ ەسىمىمەن ەتەنە بايلانىستى. وسى وتىز جىل ىشىندە رەسپۋبليكانىڭ ەگەمەندىك يدەياسى ءساتتى ىسكە اسىرىلدى، دامۋدىڭ جاڭا بەلەسىنە كوتەرىلدىك، ەۋرازيا كىندىگىندە جاڭا قالا تۇرعىزىلدى، حالىقتىڭ ەتنيكاارالىق، كونفەسسياارالىق بىرلىگى قامتاماسىز ەتىلدى.
بۇگىندە ەل پرەزيدەنتى قاسىم-جومارت كەمەل ۇلى توقايەۆتىڭ باسشىلىعىمەن ەكونوميكانىڭ تۇراقتىلىعىنا، حالىقتىڭ ءال-اۋقاتىن جاقسارتۋعا باعىتتالعان ىرگەلى ىستەردەن ورلەۋ جولىنداعى جالعاستىق كورىنىس تاۋىپ وتىر.
قۇرمەتتى جەتىسۋلىقتار! تاتۋلىق پەن كەلىسىمنىڭ ارقاسىندا قول جەتكىزگەن جەتىستىكتەردى ودان ءارى ەسەلەي وتىرىپ، تۋعان ولكەمىزدى وركەندەتۋگە ءوزارا بىرلەسىپ بار كۇش-جىگەرىمىزدى جۇمسايمىز دەپ ويلايمىن.
مەرەيلى مەرەكەمەن قۇتتىقتاي وتىرىپ، سىزدەرگە مىقتى دەنساۋلىق، بەيبىت ءومىر، ەسەلى ەڭبەك، وتباسىلارىڭىزعا شاتتىق پەن باقىت تىلەيمىن!
پىكىر قالدىرۋ