اقش مەملەكەتتىك حاتشىسى انتونيي بلينكەن ەگەر رەسەي ۋكرايناعا باسىپ كىرەتىن بولسا، ەكونوميكالىق جازالاۋدىڭ ۇلكەن سوققىسىنا ۇشىرايتىنىن ايتىپ ەسكەرتۋ جاسادى. بلينكەن بۇل تۋرالى ريگاداعى سولتۇستىك اتلانت كەڭەسىنىڭ وتىرىسىنان كەيىن وتكەن باسپا ءسوز ءماسليحاتىندا حابارلادى.
اقش مەملەكەتتىك حاتشىسى انتونيي بلينكەن رەسەي سوڭعى اپتالاردا ۋكرايناداعى اسكەري وپەراسياىنا دايىندىقتى ارتتىرعانىن اتاپ ءوتىپ الاڭداۋشىلىق ءبىلدىردى.
– ءبىزدى رەسەيدىڭ ۋكرايناعا قارسى اگرەسسيۆتى قادامدار جوسپارلاپ وتىرعانى قاتتى الاڭداتادى. رەسەيگە اسكەري كۇشتەرىن ۋكراينا شەكاراسىنان الىپ كەتۋدى تالاپ ەتەمىز. ەگەر رەسەي ۋكرايناعا باسىپ كىرەتىن بولسا، ۇلكەن قۇن تولەيدى، – دەدى بلينكەن.
ايتا كەتەيىك، رەسەي سوڭعى اپتالاردا ۋكراينا ماڭىنا ونداعان مىڭ جاۋىنگەر شوعىرلاندىرىپ، ۇلكەن جاتتىعۋعا كىرىستى. سونىمەن قاتار كرەمل ناتو-مەن شىعىسقا قاراي كەڭەيمەۋ تۋرالى كەلىسسوزدەر جۇرگىزگىسى كەلەتىنىن جانە امەريكا راكەتالارىنىڭ ۋكرايناعا شوعىرلانۋىن قالامايتىنىن مالىمدەپ وتىر.
پىكىر قالدىرۋ