Web

اقتوبە وبلىسىندا جىلىتۋ ماۋسىمىنا دايىندىق جۇمىستارى جوسپار بويىنشا وتۋدە

قامشىگەر 12:27، 03 جەلتوقسان 2021
/image/2021/12/03/crop-12_107_597x1061_f77c9f6ec598edab0f5ee87bf750455c_1280x720.jpg
 
ءوڭىر باسشىسى وڭداسىن ءورازاليننىڭ توراعالىعىمەن وتكەن جيىندا اقتوبە وبلىسىنىڭ وتىن-ەنەرگەتيكالىق كەشەنى مەن تۇرعىن ۇي-كوممۋنالدىق شارۋاشىلىعىنىڭ جىلىتۋ ماۋسىمىنا دايىندىعى قارالدى.
 
جيىنعا وبلىس اكىمىنىڭ ورىنباسارلارى، ءبىرقاتار مەملەكەتتىك ورگاندار مەن كوممۋنالدىق كاسىپورىنداردىڭ باسشىلارى، سونىمەن قاتار، اقتوبە قالاسى مەن وبلىس اۋداندارىنىڭ اكىمدەرى ونلاين تۇردە قاتىستى.
 
كوممۋنالدىق كاسىپورىنداردىڭ باسشىلارى قازاندىقتاردى، جىلۋ جەلىلەرىن، سۋ قۇبىرى-كارىز جانە ەلەكتر جەلىلەرىن جوندەۋ بويىنشا اتقارىلىپ جاتقان جۇمىستار جايىندا ەسەپ بەردى. جالپى، جوندەۋ جۇمىستارىنىڭ كەستەسى ساقتالۋدا، وبلىستا جىلىتۋ ماۋسىمىنا دايىندىق جوسپارعا ساي.
 
ءوڭىر باسشىسى اقتوبە قالاسى مەن اۋدانداردىڭ اكىمدەرىنە بۇل سۇراقتى ۇنەمى باقىلاۋدا ۇستاۋدى، جىلىتۋ ماۋسىمىنىڭ ۋاقىتىندا باستالۋىن قامتاماسىز ەتۋدى تاپسىردى.
 
جيىندا سونداي-اق، وڭىردەگى سانيتارلىق-ەپيدەميولوگيالىق جاعداي، COVID-19-عا قارسى ەكپە الۋ بارىسى مەن وبلىس بيۋدجەتىنىڭ ورىندالۋىنا بايلانىستى سۇراقتار قارالدى.
 
جيىن سوڭىندا ءوڭىر باسشىسى وبلىستىڭ الەۋمەتتىك-ەكونوميكالىق دامۋىنا، جول قۇرىلىسى قارقىنىن تەزدەتۋگە جانە ت.ب. قاتىستى ءبىرقاتار ناقتى تاپسىرمالار بەردى.
 
اقتوبە وبلىسى اكىمىنىڭ باسپا ءسوز قىزمەتى
قاتىستى تەگتەر :
اقتوبە جىلىتۋ ماۋسىمى

قاتىستى ماقالالار

blog image

ءبارىمىز قازاقپىز عوي!

12:57، 06 ناۋرىز 2025
blog image

تۇركىستانعا ەرەكشە مارتەبە بەرىلەدى - سەنات زاڭ جوباسىن ماقۇلدادى

15:09، 13 اقپان 2025
blog image

ماعزۇم مىرزاعالييەۆ پرەزيدەنتتىڭ كەڭەسشىسى بولىپ تاعايىندالدى

14:25، 13 اقپان 2025
Web