بۇگىن ماجىلىستە توتەنشە جاعدايلار ءمينيسترى يۋريي يلين الماتىدا الاپات جەر سىلكىنىسى بولۋ ءقاۋپى بارىن ەسكەرتتى.

– الماتىدا ءىرى اۋقىمداعى جەر سىلكىنىسى ءقاۋپى بار. ونىڭ سالدارىنان تۇرعىنداردىڭ كوبىسىنە قاتەر ءتونۋى مۇمكىن. بۇل رەتتە ومىرىنە ءقاۋىپ تونەتىندەر مەن جاراقات الاتىنداردىڭ سانىنا قاتىستى ساراپشىلار ءارتۇرلى مالىمەتتەردى ايتىپ وتىر. سەبەبى باعالاۋ جۇرگىزۋدىڭ ءتۇرلى ادىستەرى بار، – دەدى يۋريي يلين.

ءمينيستردىڭ ايتۋىنشا، بۇگىندە الماتىداعى بارلىق نىسان پاسپورتيزاسيادان وتكەن.

جاڭا سەيسميكالىق كارتالار ازىرلەنىپ، ءتيىستى ورگاندارعا بەرىلگەن.

الماتى اكىمنىڭ ورىنباسارى سەرىك قۇسايىنوۆ ءمينيستردىڭ سوزدەرىن راستادى. پاسپورتيزاسيانىڭ ناتيجەسىندە اپاتتىق جاعدايدا تۇرعان ۇيلەردى ىسىرۋ باعدارلاماسىنا وزگەرىس ەنگىزىلگەن. الماتىدا مۇنداي 948 عيماراتتى بۇزۋ قاجەت.

– زەرتتەۋگە سايكەس، الماتىدا 7-8 بالدىق قاتتى جەر سىلكىنىسى بولسا، بارلىق عيماراتتىڭ 30 پايىزى قيراپ قالۋى مۇمكىن. 370-385 مىڭ ادام وپات بولۋى ىقتيمال. ال 10 بالدىق جەر سىلكىنىسى بولا قالسا، قالاعا 2 تريلليون 479 ميلليارد تەڭگەنىڭ شىعىنى كەلەدى، – دەدى سەرىك قۇسايىنوۆ.