بەلگىلى تاريحشى، اكادەميك، پروفەسسور، دوكتور تالاس وماربەكوۆ دۇنيەدەن ءوتتى. قارالى حاباردى عالىم قىزمەت ەتكەن قازۇۋ وقىتۋشىسى جاندوس قۇمعانبايەۆ جەتكىزدى.
"قارالى حابار ..... بۇگىنگى قازاق تاريحىنىڭ تورىندە وتىرعان، ەسىن بىلگەلى قازاق تاريحىنىڭ "اقتاڭداق ماسەلەلەرىن" زەرتتەگەن، سونىسىمەن دە سۇبەلى ۇلەس قوسىپ كەلە جاتقان، بارىمىزگە دە ارداقتى، سىيلى، "ءال-فارابي اتىنداعى ءقازۇۋ-دىڭ قازاقستان تاريحى كافەدراسىن اياعىنان تىك تۇرعىزىپ، كادرلار دايىنداۋدا كوپ ەڭبەك سىڭىرگەن، قر-نىڭ تاريحقا، تاريحي ساناعا باعىتتالعان مەملەكەتتىك باعدارلامالارىن جۇزەگە اسىرۋعا بار ينتەلەكتىن، بار كۇشىن ارناپ كەلە جاتقان عۇلاما عالىم، تاريح عىلىمدارىنىڭ دوكتورى، پروفەسسور، ۇعا-نىڭ قۇرمەتتىڭ اكادەميگى تالاس وماربەك ۇلى وماربەكوۆ باقيلىق بولدى.
يمانى سالاۋات بولسىن جان اعام..." دەلىنگەن قارالى حاباردا.
تالاس وماربەكوۆ 1948 جىلى 29 مامىردا جامبىل وبلىسى بايزاق اۋدانى اقجار اۋىلىندا تۋعان.
1971 جىلى قازاق پەداگوگيكالىق ينستيتۋتىن (قازىرگى اباي اتىنداعى قازۇپۋ) بىتىرگەن.
ەڭبەك جولىن جۋالى جانە بايزاق اۋداندارىندا ورتا مەكتەپتە ءمۇعالىم بولىپ باستاعان.
1980 – 2001 جىلدارى قازپي-دە، قازاقستان كپ وك جانىنداعى پارتيا تاريحى ينستيتۋتىندا، "اقيقات" جۋرنالىندا، قازاق ۇلتتىق ۋنيۆەرسيتەتىندە عىلىمي-پەداگوگيكالىق، شىعارماشىلىق قىزمەتپەن اينالىسقان. 2001 جىلدان قازۇۋ-دەگى ەجەلگى جانە ورتاعاسىرلىق قازاقستان تاريحى كافەدراسىنىڭ مەڭگەرۋشىسى بولعان.
پىكىر قالدىرۋ