اتىراۋدا 10 جەلتوقساننان باستاپ ساۋدا جانە ويىن-ساۋىق ورتالىقتارىنا Ashyq جۇيەسىندە تەك "جاسىل" مارتەبەسى بارلار عانا كىرە الادى. بۇل تۋرالى atpress.kz سايتى حابارلادى.
– 10 جەلتوقساننان باستاپ ويىن-ساۋىق ساۋدا ورتالىقتارىنا جۇمىس جانە دەمالىس كۇندەرى قىزمەتكەرلەر مەن كەلۋشىلەردە ءقاۋىپسىز "جاسىل" ستاتۋس بولعان جاعدايدا، ياعني ۆاكسينا العان ادامدارعا عانا كىرۋگە بولادى. پتر-سىنامىسىنىڭ تەرىس ناتيجەسى بار ادامدار دا كىرگىزىلەدى. ءبىراق انىقتامانىڭ مەرزىمى جەتى كۇننەن اسپاۋى شارت. سونىمەن قاتار تۇراقتى مەديسينالىق كورسەتىلىمى بار جانە سوڭعى ءۇش ايدا كوروناۆيرۋسپەن اۋىرىپ شىققاندار دا ويىن-ساۋىق ساۋدا ورتالىقتارىنا كىرە الادى، – دەدى اتىراۋ وبلىسى بويىنشا سانيتارلىق-ەپيدەميولوگيالىق قاداعالاۋ دەپارتامەنتى باسشىسىنىڭ ورىنباسارى ءاليا بەكەشيەۆا.
ايتا كەتەيىك، نۇر-سۇلتان قالاسىندا دا ساۋدا-ويىن ورتالىقتارىنا "جاسىل" ستاتۋسى بارلار عانا كىرە الادى.
پىكىر قالدىرۋ