ەل تاۋەلسىزىدىنىڭ 30 جىلداعى جەتىستىكتەرى تۋرالى بۇگىن باتىس قازاقستان وبلىسى اكتيۆىندە ايتىلدى. جيىندا ءماجىلىس ءتوراعاسى نۇرلان نىعماتۋلين ءسوز سويلەپ، قازاقستان پرەزيدەنتىنىڭ تاپسىرماسى بويىنشا ەرەكشە كوزگە تۇسكەن باتىس قازاقستاندىقتارعا مەملەكەتتىك ناگرادالاردى تابىس ەتتى.

وبلىس تۇرعىندارىن مەرەيتويلىق مەرەكەمەن قۇتتىقتاعان ءماجىلىس سپيكەرى، وسى جىلدار ىشىندە قول جەتكىزگەن جەتىستىكتەر – بارلىق قازاقستاندىقتاردىڭ جاسامپاز ەڭبەگىنىڭ جانە ەل باسشىلىعى باستامالارىنىڭ جارقىن ۇلگىسى ەكەنىن اتاپ ءوتتى.

سونىمەن قاتار، پالاتا ءتوراعاسى قازاقستاندىقتار ءۇشىن تۇڭعىش پرەزيدەنت – ەلباسى نۇرسۇلتان ءابىش ۇلى نازاربايەۆ ەلدىڭ سەرپىندى دامۋىنىڭ نەگىزگى كەپىلى ەكەنىن جانە ەلباسى يدەيالارى تاۋەلسىزدىكتىڭ العاشقى كۇندەرىنەن باستاپ قازاقستاننىڭ تۇراقتىلىعىن قامتاماسىز ەتكەنىن ايتتى.

– وسى جولدا مەملەكەت باسشىسى قاسىم-جومارت كەمەل ۇلى توقايەۆ ەلىمىزدىڭ دامۋ ستراتەگياسىن ودان ءارى جالعاستىرىپ، ساياسي، الەۋمەتتىك-ەكونوميكالىق رەفورمالاردى جۇزەگە اسىرۋدا. پرەزيدەنتىمىز، ەڭ الدىمەن، الەۋمەتتىك قولداۋلار مەن داعدارىسقا قارسى شارالارعا باسا نازار اۋداردى. وسى باعىتتا كوپ بالالى انالارعا، ارنايى كومەك قاجەت ازاماتتارعا قاتىستى الەۋمەتتىك قورعاۋ شارالارى قولعا الىندى. باسقا دا ەلىمىزدەگى بارلىق سالالار بويىنشا ناقتى قادامدار جاسالۋدا، – دەدى نۇرلان نىعماتۋلين.

ءماجىلىس ءتوراعاسى باتىس قازاقستان وبلىسىنىڭ الەۋمەتتىك، ەكونوميكالىق مۇمكىندىگى جوعارى، بەرەكە - بىرلىگى مىقتى،  زامانعا ساي وسىپ-وركەندەۋدىڭ، دامۋدىڭ ۇلگىسىن كورسەتىپ كەلە جاتقان ەلىمىزدەگى ءىرى ونەركاسىپتىك جانە اگرارلىق ايماقتىڭ   ءبىرى ەكەنىن ايتتى. سونداي-اق، ايماقتىڭ ونەركاسىپتىك، اگرارلىق جانە ترانزيتتىك الەۋەتىن جانە  قازاقستاننىڭ جاڭا ونەركاسىپ سالاسى - اسكەري كەمە جاساۋ نەگىزدەرى قالانعانىن  اتاپ ءوتتى.

ءىس-شارادا ەلىمىزدىڭ جانە ءوڭىردىڭ دامۋىنا قوسقان ەرەكشە ۇلەسى ءۇشىن باتىسقازاقستاندىقتار تاۋەلسىزدىكتىڭ 30 جىلدىعىنا وراي، پرەزيدەنت جارلىعىمەن مەملەكەتتىك ناگرادالارمەن ماراپاتتالدى.

«پاراسات» وردەنىمەن قۇرىلىس كومپانياسىنىڭ باسشىسى الەكساندر پوتيچەنكو ماراپاتتالسا، «قۇرمەت» وردەنىمەن مەكتەپ-ليسەي ءمۇعالىمى ولگا ستولياروۆا، دارىگەرلەر سۆەتلانا ەسىركەپ جانە ءالىبي تولەگەنوۆ، زووتەحنيك ماقسۇت بالقىبايەۆ ماراپاتتالدى. ءىىى دارەجەلى «ەڭبەك داڭقى» وردەنى سىرلاۋشى جاڭعاق ايبولاتوۆقا، باقتاشى باتىرعالي وڭايەۆقا تابىستالدى. «ەرەن ەڭبەگى ءۇشىن» مەدالىمەن ماراپاتتالعانداردىڭ ىشىندە ەڭبەك ارداگەرى ناريمان وتەشيەۆ، ينجەنەر فلورا پوناماريەۆا بار.

نۇرلان نىعماتۋلين ءقازىر ەلىمىز ءوز تاۋەلسىزدىگىنىڭ ءتورتىنشى ونجىلدىعىنا اياق باسقان كەزەڭدە قازاقستاننىڭ الدىندا جاڭا ماقساتتار مەن مىندەتتەر تۇرعانىن ايتىپ، ولارعا قول جەتكىزۋ ءۇشىن بىزدە ۇزاق مەرزىمدى ستراتەگيا، ەل باسشىلىعىنىڭ جاڭا باستامالارى جانە بارلىق قازاقستاندىقتاردىڭ جاسامپاز ەڭبەگى ەكەنىن اتاپ ءوتتى. 

ءماجىلىستىڭ باسپا ءسوز قىزمەتى