قازاقستان پرەزيدەنتى قاسىم-جومارت توقايەۆتىڭ تاپسىرماسىمەن ەل تاۋەلسىزدىگىنىڭ 30 جىلدىعىن مەرەكەلەۋ قارساڭىندا ءماجىلىس ءتوراعاسى نۇرلان نىعماتۋلين سولتۇستىك قازاقستان وبلىسىنىڭ تۇرعىندارىنا مەملەكەتتىك ناگرادالاردى تابىس ەتتى.
وسى جىلداردىڭ ءبىزدىڭ ەلىمىز ءۇشىن ماڭىزدىلىعى تۋرالى ايتقان ءماجىلىس سپيكەرى ولاردىڭ قازاقستاننىڭ قالىپتاسۋى، دامۋى جانە نىعايۋى ءۇشىن ماڭىزدىلىعىن اتاپ ءوتتى.
ءماجىلىس سپيكەرى تۇڭعىش پرەزيدەنتىمىز - ەلباسى نۇرسۇلتان ءابىش ۇلى نازاربايەۆتىڭ «الدىمەن ەكونوميكا، ودان كەيىن ساياسات» – دەگەن دانا، كورەگەن، ساليقالى ساياساتىنىڭ ارقاسىندا ءبىز بارلىق قيىندىقتاردان امان-ەسەن شىعىپ، ءبىر بيىكتەن - ءبىر بيىككە جەتكەنىن اتاپ ءوتتى. وسى جولدا مەملەكەت باسشىسى قاسىم-جومارت كەمەل ۇلى توقايەۆ ەلىمىزدىڭ دامۋ ستراتەگياسىن ودان ءارى جالعاستىرىپ، ساياسي، الەۋمەتتىك-ەكونوميكالىق رەفورمالاردى جۇزەگە اسىرىپ جاتقانىن ايتتى.
سونىمەن قاتار، نۇرلان نىعماتۋلين سولتۇستىك قازاقستان وبلىسى مەن تۇرعىندارىنىڭ تاۋەلسىز قازاقستاننىڭ جەتىستىكتەرىنە قوسقان ەلەۋلى ۇلەسىن اتاپ ءوتتى.
ءماجىلىس ءتوراعاسى اتاپ وتكەندەي، قازىرگى ۋاقىتتا سولتۇستىك قازاقستان وبلىسى وندىرىستىك سالادا جوعارى ناتيجە كورسەتىپ، وندا جىل سايىن جاڭا كاسىپورىنداردى ىسكە قوسىپ، كوپتەگەن جاڭا جۇمىس ورىندارىن اشۋدا.
- سىزدەردە شىعاتىن ءونىمنىڭ كوپتەگەن تۇرلەرى تەك قازاقستاندا عانا ەمەس، الەمدىك نارىقتا دا بەلگىلى، - دەدى پالاتا ءتوراعاسى.
ماراپاتقا يە بولعانداردىڭ اراسىندا عالىمدار، اۋىل شارۋاشىلىعى تاۋارلارىن وندىرۋشىلەر، مۇعالىمدەر مەن دارىگەرلەر، جۇمىسشىلار مەن قۇتقارۋشىلار، كاسىپكەرلەر، ارتىستەر مەن سپورتشىلار بار.
«پاراسات» وردەنىمەن ارحەولوگ ۆيكتور زايبەرت ماراپاتتالدى. ول سولتۇستىك قازاقستاننىڭ ەجەلگى تاريحى بويىنشا بىرنەشە عىلىمي جاڭالىقتاردىڭ، كوپتەگەن كىتاپتار مەن ماقالالاردىڭ اۆتورى. قازاقستاندىق عالىمعا جىلقىنى قولعا ۇيرەتۋدىڭ ەڭ كونە ەسكەرتكىشى سانالاتىن ەنەوليت ءداۋىرىنىڭ «بوتاي قونىسى» بىرەگەي ەسكەرتكىشىنىڭ اشىلۋى الەمدىك تانىمالدىلىققا يە بولدى.
«قۇرمەت» وردەنىمەن پەتروپاۆل بالالار الەۋمەتتىك قىزمەت كورسەتۋ ورتالىعىنىڭ تاربيەشىسى ەلەنا كيسلياكوۆا، ەكپىن ابييەۆ، قالىم دانياروۆ، ابدۋراحيم نۋكايەۆ اۋىلدارىن دامىتۋعا قارجىلىق قولداۋ كورسەتىپ وتىرعان فەرمەرلىك شارۋاشىلىقتاردىڭ باسشىلارى ماراپاتتالدى.
III دارەجەلى «ەڭبەك داڭقى» وردەنىنىڭ يەگەرلەرى ەڭبەك ارداگەرى، مەحانيكالىق جيناۋ سەحىنىڭ توكارى سەرگەي كارەتوۆ جانە قۇرىلىس سالاسىندا 40 جىلدان استام جۇمىس ىستەيتىن كرانشى فارحان سافارگالەيەۆ يەلەندى.
«ەرلىگى ءۇشىن» مەدالى 16 ادامنىڭ ءومىرىن قۇتقارعان ءورت ءسوندىرۋشى ايتباي ءسادۋاقاسوۆقا، «ەرەن ەڭبەگى ءۇشىن» مەدالى – كارديولوگ دارىگەر اسقار مولجىگىتوۆكە، جەڭىل اتلەت يرينا ەكتوۆاعا، «شاپاعات» مەدالى - بالالار ءۇيىنىڭ تاربيەشىسى ايىم ءابدىراحمانوۆاعا، ءۋاليحانوۆ اۋداندىق اۋرۋحاناسىنىڭ باس مەدبيكەسى مارينا وحماتقا تابىستالدى.
نۇرلان نىعماتۋلين ءوڭىر تۇرعىندارىن ايتۋلى كۇنمەن جانە جوعارى ناگرادالارمەن قۇتتىقتاي وتىرىپ، ەلىمىزدىڭ دامۋىنىڭ ماڭىزدى كەزەڭىندە جاڭا تابىستارعا جەتەتىنىنە سەنىم ءبىلدىردى.
ءماجىلىستىڭ باسپا ءسوز قىزمەتى
پىكىر قالدىرۋ