اتىراۋ وبلىسى اكىمىنىڭ ورىنباسارى باقىتگۇل حامەنوۆا جاۋاپ الۋدان سوڭ ۋاقىتشا ۇستاۋ يزولياتورىنا قامالعانى حابارلاندى. بۇل تۋرالى "اق جايىق"باسىلىمى مالىمدەدى.

باسىلىم تاراتقان اقپاراتقا سۇيەنسەك، اتىراۋ وبلىستىق مادەنيەت باسقارماسىنىڭ باسشىسى اقىلبەك رىسقالييەۆ كىناسىن بىردەن مويىنداعاندىقتان ونى ۋاقىتشا بوساتقان. ال حامەنوۆا ۋاقىتشا قاماۋ يزولياتورىنا قامالعان.

باسىلىمنىڭ جازۋىنشا، باقىتگۇل حامەنوۆا مەن اقىلبەك رىسقالييەۆ كەشە 4،5 ملن كولەمىندە پارا الدى دەگەن كۇدىكپەن ۇستالعان. بىلتىر اقىن اباي قۇنانباي ۇلى ەسكەرتكىشىن ورناتۋعا قاتىستى ەكى رەت ۇسىنىس ايتىلعان. ءبىرىنشى ۇسىنىس وبلىستىق ءماسليحات سەسسياسىندا، كەيىن ۇلى اقىننىڭ 175 جىلدىعىن تويلاۋ اياسىندا جاسالدى. 

اتىراۋ وبلىسىنىڭ اكىمى ماحامبەت دوسمۇحامبەتوۆ پەن دەپۋتاتتار بۇل يدەيانى قولداپ، كەيىن تەندەرگە دايىندىق باستالعان بولاتىن. الدىن الا مالىمەت بويىنشا، كەلىسىمشارت سوماسى 150 ملن تەڭگە، مادەنيەت باسقارماسى العاشقى ترانشتى وتكىزىپ ۇلگەرگەن.

"اج" مالىمەتىنشە، 12 جەلتوقساندا سىبايلاس جەمقورلىققا قارسى ءىس-قيمىل اگەنتتىگىنىڭ قىزمەتكەرلەرى تەرگەۋ سوتىندا حامەنوۆانى ەكى اي قاماۋعا الۋ تۋرالى ءوتىنىش بەرمەك.

باقىتگۇل حامەنوۆا 2020 جىلدىڭ 13 ناۋرىزىندا اتىراۋ وبلىسى اكىمىنىڭ ورىنباسارى لاۋازامىنا تاعايىندالعان.