قازگيدرومەت قازاقستاننىڭ سەگىز وبلىسىندا اۋا رايىنىڭ قولايسىزدىعىنا بايلىنىستى دابىلدى ەسكەرتۋ جاريالادى. 

اقتوبە وبلىسىنىڭ وڭتۇستىك-باتىسىندا كۇندىز كوكتايعاق كۇتىلەدى. سولتۇستىك-شىعىستان جەل سوعادى، وبلىستىڭ سولتۇستىك-باتىسىندا جانە ورتالىعىندا جەل ەكپىنى 15-20 م/س بولادى دەپ كۇتىلۋدە

ماڭعىستاۋ وبلىسىنىڭ سولتۇستىگىندە، سولتۇستىك-شىعىسىندا كوكتايعاق بولادى.

تۇركىستان وبلىسىنىڭ سولتۇستىگىندە تۇمان بولادى دەپ بولجانادى. وڭتۇستىك-باتىستان جەل سوعىپ، كۇندىز تاۋلى ايماقتاردا جەل كۇشى 15-20 م/س جەتەدى.

باتىس قازاقستان وبلىسىنىڭ سولتۇستىگىندە تۇمان بولادى كۇتىلەدى.

قاراعاندى وبلىسىنىڭ باتىسى مەن ورتالىعىندا جەلدىڭ ەكپىنى 15-20 م/س بولادى.

قىزىلوردا وبلىسىنىڭ سولتۇستىگىندە كوكتايعاق بولادى. وڭتۇستىك-باتىستان جەل سوعىپ، تۇندە وبلىستىڭ ورتالىعىندا كۇشى 15-20 م/س جەتەدى.

شىعىس قازاقستان وبلىسىنىڭ ورتالىعى، وڭتۇستىك-شىعىسىندا بۇرقاسىن كۇتىلەدى. جەلدىڭ ەكپىنى 15-20 م/س قۇرايدى، كۇندىز جارما اۋدانىندا جەل كۇشى 23-28 م/س دەيىن ارتادى.

الماتى وبلىسىندا جەلدىڭ جىلدامدىعى 15-20 م/س بولادى. الاكول كولدەرىنىڭ اۋدانىندا جەل ەكپىنى 29 م/س جانە ودان جوعارى كوتەرىلەدى دەپ بولجانادى.