اتىراۋ قالاسىنىڭ مامانداندىرىلعان تەرگەۋ سوتى يزولياتوردا وتىرعان وبلىس اكىمىنىڭ ورىنباسارى باقىتگۇل حامەنوۆانى ءۇيقاماققا جىبەرىلۋ سەبەبىن ءتۇسىندىردىردى. بۇل تۋرالى "اق جايىق" باسىلىمى مالىمدەدى.
باسىلىم تاراتقان اقپاراتقا سۇيەنسەك، 12 جەلتوقسان كۇنى باقىتگۇل حامەنوۆا ءۇيقاماققا الىنعانى بەلگىلى بولعان. تەرگەۋدىڭ قاماۋعا الۋ تۋرالى ءوتىنىشى قاناعاتتاندىرىلماعان.
سوت كۇدىكتىنىڭ ەكى بالانى تاربيەلەپ وتىرعان جالعىزباستى انا ەكەنىن، اسىراۋىندا قارت اناسى بارىن، اتىراۋدا تۇرعىلىقتى مەكەنجايى بارىن، قىلمىستىق قۋدالاۋ ورگاندارىنان جاسىرىنباعانىن جانە بۇرىن سوتتالماعانىن ەسكەرىگەن.
قازىرگى ۋاقىتتا حامەنوۆانىڭ ءىسى قىلمىستىق كودەكستىڭ 366-بابى 2-بولىگى (قوماقتى كولەمدە پارا الۋ) بويىنشا تەرگەلىپ جاتىر.
باسىلىمنىڭ حابارلاۋىنشا، ەگەر دە حامەنوۆانىڭ كىناسى سوتتا دالەلدەنسە ول 60 ەسەلەنگەن سوما كولەمىندە ايىپپۇل تولەۋى نەمەسە 7 جىلعا دەيىن باس بوستاندىعىنان ايىرىلۋى مۇمكىن.
ەسكە سالا كەتەيىك، 10 جەلتوقسان كۇنى اتىراۋ وبلىسى اكىمىنىڭ ورىنباسارى باقىتگۇل حامەنوۆا مەن وبلىستىق مادەنيەت باسقارماسىنىڭ باسشىسى اقىلبەك رىسقالييەۆ 4،5 ملن تەڭگە كولەمىندە پارا الدى دەگەن كۇدىكپەن ۇستالعان بولاتىن.
پىكىر قالدىرۋ