اقش-تا بولعان تورنادو كەنتۋككي جانە وعان كورشىلەس شتاتتاردى شارپىدى. يللينويس شتاتىندا تورنادو عيماراتتاردى قيراتقان. يللينويستاعى ءبىر قويمادا التى جۇمىسشى قازا تاپقان سوڭ، Amazon كومپانياسىن دەنساۋلىق پەن قاۋىپسىزدىك ساياساتىنا قاتىستى ايىپتاپ جاتىر.
"ەگەر ولار ونىمدىلىكتەن گورى ءومىردى ويلاسا، بۇل (ادام قازاسى - رەد) ەشقاشان بولماس ەدى" دەپ ءتۇسىندىردى زارداپ شەككەندەردىڭ ءبىرىنىڭ اپكەسى الەۋمەتتىك جەلىدە.
كومپانيانىڭ مالىمەتىنشە، Amazon كومانداسى تورنادو كەزىندە جۇمىس ىستەگەن.
ادامدار بولعان قويما شاتىرى سوققان داۋىل سالدارىنان وپىرىلىپ تۇسكەن.
Amazon وكىلى كەللي نانتەل مالىمدەمەسىندە كومپانيا قازاعا بايلانىستى "قاتتى قايعىراتىنىن" ايتتى.
قايتىس بولعانداردىڭ ءبىرى، 29 جاستاعى كلەيتون كوۋپ، يللينويس شتاتىنىڭ ەدۆاردسۆيلل قالاسىندا الاپات قۇيىن عيماراتقا كەلگەنگە دەيىن وتباسىمەن تەلەفون ارقىلى سويلەسكەن.
كلەيتوننىڭ اناسى كارلا ۇلىنا تورنادو جاقىنداعانىن ەسكەرتۋ ءۇشىن قوڭىراۋ شالعانىن ايتتى.
"ءبىز وعان داۋىل سول جاققا قاراي بەت العانىن، تەز جاسىرىنۋ كەرەكتىگىن ايتتىق" دەيدى كارلا.
اقش اسكەري-تەڭىز كۇشتەرىندە دايىندىقتان وتكەن كلەيتون اناسىنا الدىمەن ارىپتەستەرىنە ەسكەرتەتىنىن ايتقان.
پىكىر قالدىرۋ