زامان وزگەرسە دە ۇستازدارعا دەگەن قۇرمەت وزگەرمەيدى. ىقىلىم زاماننان بەرى ۇستازدىقتىڭ شوقتىعى بيىك. «تامشىسىمەن تاس تەسەتىن بەينەبىر سۋ ءتارىزدى» دەپ ءال-فارابي بابامىز ايتقانداي، ۇستاز جاندارعا ءىلتيپات تانىتۋ – ادامگەرشىلىگىڭنىڭ ىلگەرى باسۋىنىڭ ءبىر قادامى. ويتكەنى، ۇستازعا قۇرمەت كورسەتۋ – بىلىمگە قۇرمەت كورسەتۋ. وسى رەتتە جۋرناليستيكا سالاسىنداعى ۇستازىمىز، فيلولوگيا عىلىمىنىڭ دوكتورى، يۋنەسكو، حالىقارالىق جۋرناليستيكا جانە قوعامدىق مەديا كافەدراسىنىڭ مەڭگەرۋشىسى نازگۇل شىڭعىسوۆا جەتەكشىمىز جونىندە ايتقىم كەلەدى. نازگۇل اپايىمىز ءوزىنىڭ ءبىلىمى مەن ساۋاتىنىڭ ەسەسىندە ءار شاكىرتىنە جۋرناليستيكا سالاسىندا كاسىبي مامان بولۋعا مۇمكىندىكتەر سىيلادى. بىرنەشە جىلدان كەيىن دە ۇستازىمىزدىڭ ستۋدەنتتەرى بۇل تۋرالى ۇمىتپاي فاكۋلتەتكە ءجيى كەلىپ، نازگۇل اپايدان كەڭەس العانىن كوزىمىزبەن تالاي كوردىك. ۇستازىمىزدىڭ ءومىربايانىنا ۇڭىلسەك، «پروفەسسور» اتاعىنا قالاي يە بولعانىنا كۋا بولامىز.

شىڭعىسوۆا نازگۇل تۇرسىنباي قىزى – فيلولوگيا عىلىمدارىنىڭ دوكتورى، ءال-فارابي اتىنداعى قازاق ۇلتتىق ۋنيۆەرسيتەتىندە 1999 جىلدان جۇمىس ىستەگەن. 1995 جىلى ءال-فارابي اتىنداعى ءقازۇۋ-دىڭ جۋرناليستيكا فاكۋلتەتىن ۇزدىك ديپلوممەن اياقتاپ، اسپيرانتۋرا بولىمىندە 1995-1998 جىلدارى ءبىلىمىن جەتىلدىرىپ، 1999 جىلى «قازاق تەلەديدارى جاستار باعدارلاماسىنىڭ پروبلەمالارى» اتتى كانديداتتىق ديسسەرتاسياسىن قورعاعان. كەيىننەن فاكۋلتەتتىڭ تەليەۆيزيالىق جۋرناليستيكا كافەدراسىنا وقىتۋشى بولىپ قابىلداندى. 1999-2003 جىلدارى ستۋدەنتتەردىڭ عىلىمي-زەرتتەۋ جۇمىسىنىڭ جەتەكشىسى، جاس عالىمدار كەڭەسىنىڭ ءتورايىمى رەتىندە فاكۋلتەتتە ستۋدەنتتەردىڭ عىلىمي دەڭگەيىن جەتىلدىرۋگە باعىتتالعان ءىس-شارالار وتكىزگەن. 2001 جىلى ىرگەسى قالانعان ب ا ق مەنەدجمەنتى جانە جارناما كافەدراسىنا اعا وقىتۋشى رەتىندە قابىلدانىپ، 2002-2010 جىلدارى ب ا ق مەنەدجمەنتى جانە جارناما كافەدراسىنىڭ دوسەنتى قىزمەتىندە، 2010 جىلى 10.01.10 – جۋرناليستيكا شيفرى بويىنشا «وڭىرلىك مەرزىمدى ءباسپاسوزدىڭ دامۋ تەندەنسيالارى (قازاق ءتىلدى جاريالانىمدار بويىنشا)» تاقىرىبىمەن دوكتورلىق ديسسەرتاسيا قورعاعان. 2011 جىلدىڭ قىركۇيەگىنەن يۋنەسكو، حالىقارالىق جۋرناليستيكا جانە قوعاممەن بايلانىس كافەدراسى مەڭگەرۋشىسىنىڭ عىلىم، يننوۆاسيا، حالىقارالىق قاتىناستار جونىندەگى ورىنباسارى قىزمەتىن اتقارادى، ريسو مۇشەسى دە بولعان. "2011 جىلدىڭ جوعارى وقۋ ورنىنىڭ ۇزدىك وقىتۋشىسى" گرانتىنىڭ يەگەرى اتانىپ، قوعاممەن بايلانىس ماماندىعى بويىنشا جۇمىس وقۋ جوسپارلارىن، باكالاۆريات، ماگيستراتۋرا، دوكتورانتۋرادا 20 تيپتىك باعدارلامالار، جۇمىس وقۋ جوسپارلارى مەن ەلەكتيۆتى پاندەر كاتالوگىن دايارلاعان.  سونداي-اق، جۋرناليستيكا، قوعاممەن بايلانىس سالالارى بويىنشا زەرتتەۋ ەڭبەكتەرىنىڭ اۆتورى ەكەندىگىن دە تىلگە تيەك ەتپەسەك بولمايدى. ول ەڭبەكتەرى قازىردە جاس جۋرناليستەر ءۇشىن انىقتاما كىتاپ سەكىلدى قۇندى دۇنيەگە اينالعان دەسەك، ارتىق ايتقانىمىز ەمەس.

ف.ع.د. ن.ت. شىڭعىسوۆانىڭ 1999 جىلى «قازاق تەلەديدارىنىڭ جاستار باعدارلاماسى» وقۋ قۇرالى (11 ب.ت.)، 2010 جىلى «وڭىرلىك مەرزىمدى ءباسپاسوزدىڭ وزەكتى ماسەلەلەرى» مونوگرافياسى (35 ب.ت.) مەن «جۋرناليستيكا سوسيولوگياسى» وقۋ قۇرالى (11.7 ب.ت.) جارىق كورگەن، سونىمەن قاتار،  «قازاق جۋرناليستيكاسى» 3 تومدىعىنىڭ اۆتورلارىنىڭ ءبىرى. نازگۇل اپاي «قازاقستانداعى PR مەن ب ا ق» عىلىمي جيناعىنىڭ اۆتورلار ۇجىمىنىڭ مۇشەسى. بىرنەشە حالىقارالىق شەتەلدىك ترەنينگتەردەن سەرتيفيكاتتار يەمدەنگەن. قازاقستان PR-شى (2005-2011) كلۋبىنىڭ ءىى-ح ستۋدەنتتىك رەسپۋبليكالىق ۇزدىك PR جوبا بايقاۋىندا جۇلدەلى ورىنداردى يەلەنگەن ستۋدەنتتەردىڭ عىلىمي جەتەكشىسى بولعان.

مىنە، وسىنداي ۇستازى بار شاكىرتتەر ەل بولاشاعىنا ۇلەسىن قوسار تۇلعا بولىپ قالىپتاساتىنىنا كۇمانىمىز جوق. شاكىرت ساناسىنا ءبىلىم ءنارىن سەۋىپ، ەل بولاشاعىنىڭ ورەندەرىن تاربيەلەپ شىعارۋ – ەكىنىڭ ءبىرىنىڭ قولىنان كەلە دە بەرمەيدى. ۇستاز بولۋ – جۇرەك جىلۋىن، مەيىرىم شۋاعىن، ادامگەرشىلىك ۇلىلىعىن شاكىرتتىڭ بويىنا دارىتۋ. ۇستاز بولۋ – جاس ۇرپاقتىڭ جارقىن بولاشاققا بارار جولىن ايقىنداپ بەرۋ. «ادامنىڭ ادامشىلىعى – جاقسى ۇستازدان» دەپ ۇلى اباي ايتقانداي، ۇستاز تاربيەسى مەن ونەگەسى ستۋدەنت-شاكىرتتىڭ بولاشاق ازىعى. جاقسى ۇستازعا كەزىگىپ، تالىم-تاربيەمەن قاتار، ءومىر مايدانىندا مويىماي كۇرەسىپ، بولاشاق جولعا باعىت العان ءبىز – باقىتتى شاكىرتپىز. ۇرپاق بولاشاعى، حالقىمىزدىڭ كەلەشەگى قازىرگى نازگۇل اپايىمىزداي ۇستازداردىڭ قولىندا. ەگەمەندى، تاۋەلسىز قازاقستاندا وركەنيەتكە باستار جولدىڭ باستاۋى جوعارى ءبىلىم دەسەك، قازىردە قازۇۋ-دىڭ بولاشاق جۋرناليستەرى مەن قوعاممەن بايلانىس ماماندارىن كاسىبيلىككە باۋلىپ جۇرگەن نازگۇل ۇستازىمىزدى سول داڭعىل جولدىڭ باستاۋ دەسەك بولادى. ءبىزدىڭ كوپتەگەن جەتىستىكتەرگە جەتۋىمىزدىڭ كولەڭكەلى تۇسىندا نازگۇل اپايىمىزدىڭ قانشاما ەڭبەگى جاسىرىن جاتىر. ءقازىردىڭ وزىندە ۇستازىمىزدىڭ شاكىرتتەرى تەلەارنالار مەن راديو، مەملەكەتتىك قىزمەت، تانىمال كومپانيا پيارشىسى دەگەن سەكىلدى لاۋازىمدى قىزمەتتەردە جۇمىس جاسايدى. مىنە، وسىلاي ەڭبەك جولىندا تالماي ءجۇرىپ، بۇگىندە ۇستازىمىز ەلەۋلى 50 جاسقا اياق باستى. وسى رەتتە، نازگۇل ۇستازعا اتقارىپ جۇرگەن قيىندىعى مەن قىزىعى قاتار جۇرەتىن قىزمەتىڭىزدىڭ تەك جەمىسىن كورىڭىز دەپ تىلەك بىلدىرەمىز.

حالىقارالىق جۋرناليستيكا جانە قوعامدىق مەديا كافەدراسىنىڭ قىزمەتكەرلەرى