الماتىدا اباي داڭعىلىنىڭ باتىس باعىتقا قاراي ۇزارتىلىپ جاتقان تۇسى پايدالانۋعا بەرىلدى، دەپ حابارلادى قالا اكىمىنىڭ باسپا ءسوز قىزمەتى.
اباي داڭعىلىندا ناۋرىزباي اۋدانىنىڭ اكىمشىلىك ورتالىعىندا مومىش ۇلى كوشەسىنەن الاتاۋ كوشەسىنە دەيىن ۇزىندىعى 3،5 كم ۋچاسكەنىڭ قۇرىلىسى اياقتالۋعا جاقىن. ەكى باعىت بويىنشا التى جولاق قاراستىرىلعان.
"ءاشىموۆ كوشەسىنىڭ ۇستىنەن 400 مەترلىك ەستاكادا سالىندى، ونىڭ قوزعالىسىن ايدىڭ سوڭىنا دەيىن اشۋ جوسپارلانۋدا. بۇل تەلىمدە باعدارشاممەن رەتتەلەتىن ۋاقىتشا قوزعالىسىنىڭ سىزباسى ۇيىمداستىرىلعان. اباي داڭعىلىن ۇزارتۋ جوباسىن ىسكە اسىرۋ بارىسىندا قارعالى وزەنى ارقىلى دا كوپىر سالىندى" دەلىنگەن اقپاراتتىق حابارلامادا.
سونداي-اق رىسقۇلوۆ داڭعىلى مەن ەمسوۆ كوشەسىنىڭ قيىلىسىنداعى جولايرىق اشىلدى.
باسپا ءسوز قىزمەتى سالىنىپ جاتقان ب. مومىش ۇلى مەترو ستانسياسىن ارلەۋ اياقتالىپ، جابدىقتاردى ىسكە قوسۋ-جوندەۋ جۇرگىزىلىپ جاتقانىن ءمالىم ەتتى. جىل سوڭىنا دەيىن ب. مومىش ۇلى جانە سارىارقا ستانسيالارىن تەحنيكالىق ىسكە قوسۋ جوسپارلانىپ وتىر.
پىكىر قالدىرۋ