تۇعىرى بيىك، ماڭىزدىلىعى شەكسىز، ۇلتىمىزدىڭ ۇلى جەتىستىگى "تاۋەلسىزدىكتىڭ 30 جىلدىعىنا" وراي، الماتى قالاسىندا "تاۋەلسىزدىك - تۇعىرىم" اتتى دوڭگەلەك ۇستەل ءوتتى.
بۇل دوڭگەلەك ۇستەلدىڭ نەگىزگى ماقساتى - وسى سوڭعى 30 جىلدىقتىڭ كولەمىندە ەلگە كەلىپ وزدەرى ۇلكەن جەتىستىككە جەتىپ قانا قويماي، قازاق ەلىنىڭ دامۋىنا دا ايرىقشا ۇلەس قوسقان قانداس ازاماتتاردى ەلگە تانىستىرۋ، دارىپتەۋ.
ەل تاۋەلسىزدىك العاندا اتباسىن اتاجۇرتقا بۇرعان اعايىنداردىڭ سانى بۇگىندە 1،5 ميلليونعا جەتىپتى.
بۇل كۇندە ەلگە ورالعان قانداستار عىلىم سالاسى، وقۋ-اعارتۋ، مەديسينا، عارىش، تەحنولوگيا، IT، ءوندىرىس، كاسىپكەرلىك سالاسىندا ەلەۋلى ەڭبەك ەتىپ، ەل دامۋىنا ۇلەس قوسىپ جاتقان ازاماتتار از ەمەس، مىنە سول ازاماتتاردىڭ ىشىنەن ءبىرازى باس قوسىپ، وزدەرىنىڭ تاۋەلسىزدىككە دەگەن قۇرمەتىن ءبىلدىرىپ، بارشا قازاقستاندىقتاردى تاۋەلسىزدىكتىڭ 30 جىلدىعىمەن قۇتتىقتادى.
1990 جىلدارى قازىرگى قازاقستان جەرىنە شىن پاتريوت ازاماتتار كوشىپ كەلە باستادى. سەبەبى، ول كەزدە ەشقانداي كۆوتا ءتارىزدى قولداۋلار جوق ەدى. سونداي وتانسۇيگىش مىقتى ازاماتتار مەن ولارلىڭ ۇرپاقتارى ءقازىر ەلىمىزدىڭ ءارتۇرلى سالالارىندا وراسان زور جەتىستىكپەرگە جەتكەنىن قۋانىشپەن، ماقتانىشپەن ايتۋعا بولادى.
ەلىم دەپ ەڭىرەگەن اڭعال دا اق جۇرەك اعايىنداردىڭ شىنايى وتانشىلدىعى ءار كەز بارشا جۇرت قۇرمەت تۇتۋعا لايىقتى دەپ ەسەپتەيمىز.
سونىمەن بىرگە ەل تاۋەلسىزدىك العان العاشقى جىلدارى شەتتەگى قانداستاردىڭ ەلگە كەلۋىنە مۇرىندىق بولعان سماعۇل ەلۋباي، مۇحتار شاحانوۆ، دۋلات يسابەكوۆ(دۋلات اعامىزدى پرەزيدەنت شاقىرۋىنا بايلانىستى كەلەالمادى) سياقتى ۇلت كوشباسشىلارىن شاقىرىپ، اعالارعا بارشا قانداستار اتىنان "راحمەت" ايتىپ يىعىنا شاپان جاپتى.
باسقوسۋعا ءار سالا وكىلدەرىنەن 30 عا جۋىق ازاماتتار قاتىسىپ، ءوز ءومىر جولدارى، جەتكەن جەتىستىكتەرىن ايتىپ، ەلمەن ءبولىستى، وسى جەتىستىكتەرىنىڭ ءبارى تاۋەلسىزدىكتىڭ ارقاسىندا بولعانىن ايتىپ، ريزاشىلىعىن ءبىلدىردى.
ەلىم، جەرىم دەيتىن جاندار بولسا، ەرىم دەيتىن ەل تابىلارى حاق. وسىنداي ۇلتىنىڭ بولاشاعى مەن كەمەل كەلەشەگىنىڭ كەمەسىنىڭ جەلكەنىن كەڭ جايا، ءار سالانىڭ مايتالمانى بولار نار تۇلعالار بولسا، ەلىمىزدىڭ ەگەمەندىگى ماڭگى بولىپ قالا بەرمەك.
جيىن سوڭىندا "تاۋەلسىزدىكتىڭ 30 جىلدىعىنا" ارناپ، قازاقستاننىڭ ورتالىق مۇراجايىنا قانداستار اتىنان "ەستەلىك" تارتۋ ەتتى.
