ەندى قازاقستاندىقتار ءبىرجولعى زەينەتاقى تولەمدەرىنە جەر ۋچاسكەسىن ساتىپ الا الادى. بۇل تۋرالى "وتباسى بانك" باسقارما ءتورايىمىنىڭ ورىنباسارى نۇرلان اقشانوۆ حابارلادى.
– ءبىرجولعى زەينەتاقى تولەمدەرىن تاعى ءبىر ماقساتتا قولدانۋعا بولادى. ەندى بزت ارقىلى جەر ۋچاسكەسىن ساتىپ الۋعا بولادى. جەر ۋچاسكەسىنىڭ نىسانالى ماقساتى جەكە تۇرعىن ءۇي قۇرىلىسى نەمەسە جەكە ءۇي تەلىمى بولۋى كەرەك، – دەدى باسقارما ءتورايىمىنىڭ ورىنباسارى.
وتباسى بانك جەر تەلىمىنە 24 اي ىشىندە ءۇي سالىپ، قاجەتتى قۇجاتتاردى وتكىزۋى ءتيىس ەكەنىن ەسكەرتتى.
قاجەتتى قۇجاتتار ءتىزىمى:
- قولدانىسقا ەنگىزىلۋ اكتىسى؛
- جىلجىمايتىن مۇلىككە تىركەلگەن قۇقىقتار جانە ونىڭ تەحنيكالىق سيپاتتامالارى تۋرالى انىقتاما.
پىكىر قالدىرۋ