دەنساۋلىق ساقتاۋ ءمينيسترى قىزمەتىنەن بوساتىلعان الەكسەي سوي وتستاۆكاعا كەتۋ سەبەبىن ءتۇسىندىرىپ، الداعى ۋاقىتتا قايدا باراتىنىن حابارلادى.
ەكس-مينيستر ازاماتتىق سەكتورعا كەتۋگە، دەنساۋلىق ساقتاۋ سالاسىن عىلىم مەن الەۋمەتتىك باستامالار ارقىلى دامىتۋعا شەشىم قابىلداعانىن ايتادى.
ول facebook-تە جاريالاعان جازباسىندا پرەزيدەنت تاراپىنان وزىنە كوروناۆيرۋسقا بايلانىستى احۋالدى تۇراقتاندىرۋ، دەنساۋلىق ساقتاۋ سالاسى الەۋمەتىن كوتەرۋ مىندەتى جۇكتەلگەنىن، مىندەتتى ورىنداۋعا بارىنشا تىرىسقانىن اتاپ وتكەن. سونداي-اق ول ءوزىنىڭ تۇسىندا اتقارىلعان جۇمىستار تۋرالى بايان ەتىپ، ءبىرشاما شارۋا تىندىرىلعانىن جەتكىزگەن.
"ءبىز ەپيدەميولوگيالىق قاتەر تۋا قالسا، دەر كەزىندە ارەكەت ەتۋ ءۇشىن بار جاعدايدى جاسادىق. ءار ايماقتا جاڭا ينفەكسيالىق اۋرۋحانالار سالىندى، جەدەل جاردەم كولىگى پاركى، يۆل اپپاراتتار، اۋىلدارداعى قوزعالمالى مەديسينالىق كەشەندەر جاڭارتىلدى. وتاندىق فارمونەركاسىپ ءوندىرىستىڭ جوعارى ءوسىمىن كورسەتىپ جاتىر. دارىلىك زاتتار مەن مەديسينالىق جابدىقتار قورى جاسالدى. سانيتارلىق-ەپيدەميولوگيالىق باقىلاۋ قىزمەتى مەن زەرتحانالىق قىزمەت الەۋەتى ارتىپ، QazVac ۆاكسيناسى جاسالىپ شىعارىلدى" دەدى ول.
سوزىنشە، قىسقا مەرزىمدە دەنساۋلىق ساقتاۋ سالاسى كۇشەيە تۇسكەن.
سوي جاڭا ەڭبەك جولىن جاقىندا ايقىندايتىنىن ايتىپ، الدا جاڭا جوبالار توسىپ تۇرعانىن جەتكىزدى.
پىكىر قالدىرۋ