الماتىنىڭ باس سانيتار دارىگەرى جانداربەك بەكشين "وميكرون" شتامى قازاقستانعا كەلەتىنىنەن قاشىپ قۇتىلۋ مۇمكىن ەمەستىگىن ايتتى. بۇل تۋرالى ول وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا جەتكىزدى.
قالانىڭ باس سانيتارى الماتىلىقتاردى ادامدار كوپ جينالاتىن ورىندارعا، بانكەتتەرگە بارماۋعا، مەرەكەنى وتباسىندا اتاپ وتۋگە شاقىردى.
– جاڭا جىلدىق مەرەكەلەر كوروناۆيرۋستىڭ تارالۋىنا سەبەپ بولماۋى كەرەك، – دەيدى ول.
بەكشين مەگاپوليستە ۇجىمدىق يممۋنيتەتتىڭ دەڭگەيى 58،4 پايىزدى قۇرايتىنىن ايتىپ، ادامدار ۆاكسينا سالدىرمايىنشا، مەگاپوليستە مۋتاسيالانعان شتاممداردىڭ پايدا بولۋ ءقاۋپى ارتاتىنىن اتاپ ءوتتى.
ونىڭ بولجاۋىنشا، الماتىدا "وميكرون" شتامىنىڭ كەزەكتى تولقىنى باستالۋى ىقتيمال.
بەكشين دۇنيەجۇزىلىك دەنساۋلىق ساقتاۋ ۇيىمىنىڭ دەرەكتەرىن نەگىزگە الا وتىرىرىپ، ەپيدەمياعا قارسى شارالار مەن تۇرعىنداردى ريەۆاكسيناسيالاۋدى جەدەلدەتۋ قاجەت ەكەنىن ايتتى.
ونىڭ سوزىنشە، قازىرگى ۋاقىتتا الماتى قالاسىنداعى كۆي بويىنشا ەپيدەميولوگيالىق جاعداي تۇراقتى.
– تاۋلىگىنە 30-35 ادام كوروناۆيرۋس ينفەكسياسىمەن تىركەلىپ جاتىر. ءبىراق بۇل – بوساڭسۋعا سەبەپ ەمەس. "وميكرون" كوروناۆيرۋستىڭ جاڭا شتاممى. ينفەكسيا بۇكىل الەمدە تەز تارالۋدا جانە ءقازىردىڭ وزىندە الەمنىڭ 106 ەلىندە، ءتىپتى ۇجىمدىق يممۋنيتەتتىڭ جوعارى دەڭگەيى تىركەلگەن جەردە دە انىقتالعان. بۇل ينفەكسيا ۆاكسيناسيانىڭ تولىق كۋرسىن ءوتۋدى قاجەت ەتەدى، – دەدى بەكشين.
باس سانيتار دارىگەر شەتەلدەن كەلەتىندەرگە قاتىستى الدىن الۋ شارالارى كۇشەيتىلگەنىن اتاپ ءوتتى. ونىڭ سوزىنشە، الماتىعا 3-20 جەلتوقسان ارالىعىندا 50 مىڭعا جۋىق جولاۋشى كەلگەن. ونىڭ ىشىندە پتر انىقتامالارى بارى – 29،7 مىڭ، ۆاكسيناسيا پاسپورتى بار – 20 مىڭ. ونىڭ ىشىندە "وميكرون" شتاممى تىركەلگەن ەلدەردەن 2300 جولاۋشى كەلگەن.
– كەلگەن بارلىق ازاماتتار ءبىر اپتالىق وقشاۋلانۋعا جانە مەديسينالىق باقىلاۋعا جىبەرىلدى. ولاردىڭ ىشىندە كۆي-مەن اۋىراتىن 5 ناۋقاس انىقتالدى. ولار ينفەكسيالىق ستاسيونارعا وقشاۋلاندى. جولاۋشىلاردىڭ شامامەن 90 پايىزى گەرمانيا، ەگيپەت جانە ۇلىبريتانيادان كەلدى، – دەدى ول.
بۇعان دەيىن دەنساۋلىق ساقتاۋ مينيسترلىگى قاڭتار ايىندا كوروناۆيرۋسقا بايلانىستى پەسسيميستىك سەناريي ورناۋى مۇمكىن ەكەنىن ەسكەرتكەن. وعان ساي قاڭتاردا كۇنىنە 3 مىڭداي ادام ىندەت جۇقتىرۋى ىقتيمال.
پىكىر قالدىرۋ