يندۋستريا جانە ينفراقۇرىلىمدىق دامۋ مينيسترلىگى زەينەتاقى جيناقتارىن پايدالانۋعا قاتىستى سۇراقتارعا جاۋاپ بەردى. 

سونداي-اق زەينەتاقى قورىنداعى شەكتى سومادان اساتىن اقشانى پايدالانۋ مەرزىمى نەلىكتەن 45 كۇننەن 20 كۇنگە دەيىن قىسقارتىلعانىن ءتۇسىندىردى.

مينيسترلىكتىڭ مالىمدەۋىنشە، اتالعان مەرزىمدى قىسقارتۋ تۋرالى ۇسىنىس جاڭا ەرەجەلەردى ۇلتتىق بانكپەن كەلىسۋ بارىسىندا ايتىلعان.  

وعان زەينەتاقى تولەمدەرىن قايتارۋ جانە الۋ جاعدايلارى نەگىز بولعان.

"ماقساتتى پايدالانۋ مەرزىمى ۇزاق بولسا (45 جۇمىس كۇنى)، بجزق-داعى زەينەتاقى جيناقتارى قالدىعى وزگەرگەندە ينۆەستيسيالىق كىرىس ەسەپتەلمەي قالۋى مۇمكىن.  

سونداي-اق بۇل اي سايىنعى زەينەتاقىنى ەسەپتەۋ كەزىندە قاراجاتتىڭ دۇرىس ەسەپتەلمەۋىنە اكەپ سوقتىرادى. 

ال 20 جۇمىس كۇنى زەينەتاقى جۇيەسى سالىمشىلارىنىڭ مۇددەلەرىن قورعاۋعا مۇمكىندىك بەرەدى" دەلىنگەن مينيسترلىك حابارلاماسىندا.