الماتىدا ديسسيدەنت، اقىن ارون اتابەكتىڭ قازاسىنا 40 كۇن تولۋىنا وراي بەرىلگەن استان شىعىپ، جاڭاوزەندە گاز باعاسىنىڭ ارزانداۋىن تالاپ ەتىپ تۇرعان ازاماتتاردى قولداماق بولىپ ناۆوي كوشەسى بويىمەن شەرۋلەتكەن ءبىر توپ ادامدى پوليسيانىڭ ارنايى جاساعى توقتاتتى. بۇل تۋرالى بەلسەندى بەسجان تولەۋبەك ۇلى facebook پاراقشاسىندا ءمالىم ەتتى.

بەلسەندى تۇسىرگەن ۆيدەودان ادامدار رەستوراننان شىعىپ، كولىكپەن، جاياۋلاتىپ ناۆوي كوشەسىمەن تومەن، سولتۇستىك باعىتقا قاراي شەرۋلەتىپ ءتۇسىپ بارا جاتقاندا الدىلارىنان ارنايى جاساق شىعىپ، ولاردىڭ جولىن بوگەگەنىن كورۋگە بولادى.

جۋرناليست ميات كاشىباي بەسجان تولەۋبەكۇلىمەن تەلەفون ارقىلى سويلەسكەنىن ايتادى. بەلسەندى "اۆتوزاگ" ىشىندە كەتىپ بارا جاتىر پوليسيا 30 شاقتى ادامدى ۇستالعانىن جەتكىزگەن. 5 ادامدى ناۋرىزباي اۋداندىق پوليسيا بولىمىنە تاستاسا، وزىمەن قوسقاندا 4 ادامدى اۋەزوۆ اۋداندىق پوليسيا بولىمىنە اپارا جاتقانىن ءمالىم ەتكەن. قالعان ادامدار قايدا جەتكىزىلەتىنى بەلگىسىز. قازىرگى ۋاقىتتا بەلسەندىنىڭ تەلەفونى ءسوندىرۋلى تۇر.