بەلسەندى جانبولات ماماي مەن ونىڭ جاقتاستارى ماڭعىستاۋ وبلىسىنداعى نارازىلىق اكسياسىنا قاتىسۋشىلاردى قولداپ، الماتى كوشەلەرىنە شىقتى.
"جاڭاوزەندى قولدايمىز!" - وسى جانە باسقا دا پلاكاتتارمەن تىركەلمەگەن دەموكراتيالىق پارتيا جاقتاستارى رەسپۋبليكا الاڭىنا شىقتى.
ولار ماڭعىستاۋ وبلىسى تۇرعىندارىنىڭ گاز باعاسىن تومەندەتۋ تۋرالى تالابىن قولدايتىنىن جەتكىزىپ، مارقۇم اقىن، ديسسيدەنت ارون اتابەكتىڭ قىرقىنا وراي بەرىلگەن استان شىعىپ، الماتىداعى نارازىلىق اكسياسىنك قاتىسۋدى جوسپارلاعان ءبىرقاتار بەلسەندى ۇستالعانى تۋرالى حابارلادى.
الاڭعا جينالعاندارعا جەرگىلىكتى بيلىك پەن قۇقىق قورعاۋ ورگاندارىنىڭ وكىلدەرى شىعىپ، اكسيانىڭ زاڭسىز ەكەنىن مالىمدەدى.
"دەموكراتيالىق پارتيا" جاقتاستارى اباي داڭعىلىنا ءتۇسىپ، ورتالىق ستاديونعا قاراي شەرۋلەتتى.
ايتا كەتەيىك، 2022 جىلعى 1 قاڭتادان باستاپ جاڭاوزەندە "كوگىلدىر" وتىن باعاسى كەنەتتەن 120 تەڭگەگە دەيىن وسكەن. تۇرعىندار كەشەلى بەرى گاز باعاسىن 60 تەڭگەگە دەيىن ءتۇسىرۋدى بەيبىت تۇردە تالاپ ەتۋدە.
پىكىر قالدىرۋ